მათთვის, ვისაც ჯერ ხე არ დაურგავს: როგორ გამოვზარდოთ ვაშლის ხე კურკისგან - Marao

ვაშლის ხის გაზრდა ყველა მებაღის სურვილია, რადგან მათ იციან ნერგის გახარების, შემდეგ კი ნაყოფის მოსხმის სიხარული.

ჩვენ გასწავლით ვაშლის გამოზრდას კურკისგან. ამ საქმიანობის შესრულებას იმ შემთხვევაშიც გირჩევთ, თუ ძალიან შორს ხართ მებაღეობისგან. უბრალოდ, სცადეთ, რამხელა ხის გაზრდას შეძლებთ ციცქნა კურკისგან.

იმისათვის, რომ ვაშლის ხე გამოზარდოთ, დაგჭირდებათ: ვაშლი, კომპოსტი, ყუთი ან ქოთანი, ქაღალდის ხელსახოცი, პლასტიკატის პაკეტი და დანა.

გაჭერით ვაშლი და ამოაცალეთ კურკები. მათ მიწაში დარგვამდე შემდეგნაირად მოიქეცით: კურკები კარგად გარეცხეთ, შემდეგ სამი დღით წყალში გააჩერეთ, წყალი ყოველდღე უცვალეთ.

შემდეგი ეტაპი: კურკები ნამიან ქაღალდის ხელსახოცში გაახვიეთ, პოლიეთილენის პაკეტში მოათავსეთ და მაცივარში შეინახეთ. დაახლოებით 1 თვე უნდა გააჩეროთ. დროდადრო შეამოწმეთ, თუ ქაღალდი გამშრალია, ისევ დაასველეთ.

როგორც კი კურკები ფესვს გამოიღებს, მათი დარგვა შეგეძლებათ. ყუთის ან ქოთნის ძირზე კენჭები დაყარეთ, შემდეგ კოპოსტიანი მიწა, დარგეთ კურკა და კარგად განათებულ ადგილას გააჩერეთ.

მალევა ამოვა რამდენიმე ღერო, მაგრამ ყველა არ გამოგადგებათ დასარგავად.

თქვენ გამძლე, სიმეტრიულ და ფართოფოთლიანი ნერგი უნდა შეარჩიოთ, სუსტები კი გადაყაროთ.

თუ სტატია მოგეწონათ, გაუზიარეთ მეგობრებს. ადამიანის დანიშნულებებს შორის - ხის დარგვას, სახლის აშენებასა და ვაჟის გაჩენას შორის, ხის დარგვა ყველაზე ადვილია. ამიტომ სცადეთ.

წარმატებებს გისურვებთ!