ვერძი. იმპულსური გარეწარია... და ამით ყველაფერია ნათქვამი. დააშავებს და მერე ან იხდის ბოდიშს – ხმაურიანად, თავის იატაკზე დარტყმით და სხვა თეატრალური ეფექტებით (ხვალ რომ იგივე ჩაიდინოს) ან საერთოდ არ ითხოვს პატიებას – "სიამაყე არ უშვებს".
თავის მართლება: "რაღაც დამემართა", "ეშმაკი შემიჩნდა" და სხვა.
კურო
ანგარებიანი გარეწარი... ვერძის სრული ანტიპოდი. შეგიძლიათ არც ჰკითხოთ: "ხვდები მაინც, რას აკეთებ?" გადასარევად ხვდება. წინასწარ გათვალა, სად დაერტყა, რომ უფრო მტკივნეული ყოფილიყო.
თავის მართლება: "დაიმსახურე და მიიღე!"
ტყუპი
ქარაფშუტა გარეწარი... ხშირად ვერც აცნობიერებს, რომ ნაძირალასავით იქცევა, ხოლო ჩადენილს 5 წუთში ივიწყებს.
თავის მართლება: "შენ რა, გაბრაზდი? რატომ?"
კირჩხიბი
საწყალი გარეწარი... ეს თქვენ ხართ ნაძირალა, ის კი – უდანაშაულო მსხვერპლი. ასე იქნება ყოველთვის, თუნდაც მის ანგარიშზე ჩადენილი სისაძაგლე თქვენსას ერთიორად აჭარბებდეს. მეტიც – ის იზრუნებს, რომ მთელმა ქვეყანამ გაიგოს, რა საშინლად მოექეცით საწყალს.
თავის მართლება: "შენ მაიძულე!"
ლომი
თვითკმაყოფილი გარეწარი... ის დიადია, დანარჩენი – მის ფეხებთან დაყრილი ნაგავი. სწორედ ამ მდგომარეობიდან გამოდის ყველა მისი უღირსი საქციელი.
თავის მართლება: "მინდოდა და გავაკეთე".
ქალწული
გულღრძო გარეწარი... ოდესღაც, სადღაც მისი გზა გადაკვეთეთ (ან რაღაც ისე არ თქვით მისი მისამართით) – ჰოდა, მიიღეთ. მთელი ამ ხნის განმავლობაში ის შესაფერის მომენტს ელოდა, რომ სამაგიერო გადაეხადა.
თავის მართლება: ან ხმადაბლა იტყვის: "მეე?! ეს როგორ იფიქრე?!" ან, დემოსტრაციულად, "გახსოვს...?"
სასწორი
მხდალი გარეწარი... საერთოდაც, პირველ ადგილზეა ნაძირლების რეიტინგში. გარეწარი, უსინდისო არსებაა. აქ მოიტყუა, იქ დააბრალა, უღალატა – ასეთია მისი ცხოვრების წესი და ყველაფერი ეს სიმხდალის გამო.
თავის მართლება: არანაირი. მიჰქარა და დაიმალა.
მორიელი
პრინციპული გარეწარი... პრინციპები ყველაფერში შეიძლება გქონდეს, მაგრამ საქმე ამაში არ არის. მორიელის მსოფლმხედველობით, დაარღვიეთ რომელიმე აკრძალვა და ამისათვის უნდა დაისაჯოთ! საკუთარ თავს ის სამართლიანობის იარაღად მიიჩნევს!
თავის მართლება: არანაირი. ქედმაღლური გამოხედვა და მორჩა!
მშვილდოსანი
სკანდალური გარეწარი... უტიფარი ბაზრის ქალივით. სიამოვნებასაც კი იღებს კონფლიქტური სიტუაციებისგან.
თავის მართლება: ხმამაღალი ტონით წარმოთქმული უაზრო ტექსტი.
თხის რქა
შეზღუდული გარეწარი... თევზის გულგრილობა + ლომის ეგოიზმი + მისი პირადი, განუმეორებელი სიშტერე და ასევე, სიხარბე სანელებლად.
თავის მართლება: "ასე გამოვიდა".
მერწყული
ცინიკოსი გარეწარი... დამსახურებული მე-2 ადგილი ამ რეიტინგში. ნაძირლობას მხოლოდ იმის გამოც ჩაიდენს, რომ თქვენს ტანჯვაზე იცინოს. მას თანდაყოლილი უგულობა სჭირს.
თავის მართლება: "ჰა-ჰა-ჰა".
თევზები
გულგრილი გარეწარი... გაიგებს რა ხმას "მიშველე!" - მიხურავს ფანჯარას და კარგად გაეხვევა პლედში. არ მოვა თქვენთან სანახავად საავადმყოფოში, თუნდაც იქ სიცოცხლის ბოლო დღეებს ატარებდეთ. და სხვა ამავე სტილში.
თავის მართლება: "მაპატიეთ, მაგრამ ყველამ თავის თავს მიხედოს".
მასალის წყარო: thepo.st