12 ნიშანი იმისა, რომ დაუყოვნებლივ უნდა შეიმოწმოთ ფარისებრი ჯირკვალი - Marao

უმეტესობას არ გვაქვს იმის ჩვევა, ყური მივუგდოთ ჩვენს ორგანიზმს. ექიმთან მხოლოდ მაშინ მივდივართ, როცა უკვე ისე გვაწუხებს რაღაც, რომ ვერ ვუძლებთ. არადა, ჯანმრთელობასთან ხუმრობა არ შეიძლება.

ამიტომაც ჯობს, ყურადღებით ვიყოთ და დავაკვირდეთ, რა სიგნალებს გვაძლევს ჩვენი ორგანიზმი. ფარისებრი ჯირკვალი – უმნიშვნელოვანესი ორგანოა. ის პასუხისმგებელია ჰორმონებზე, არეგულირებს ორგანიზმის ენერგიას, გავლენას ახდენს, ფაქტობრივად, ყველა უჯრედზე, ქსოვილსა თუ ორგანოზე.

ფარისებრი ჯირკვლის გამოუვლინებელმა დაავადებამ შესაძლოა, სერიოზული ზიანი მიაყენოს უამრავ ორგანოს, მათ შორის, ღვიძლს, ნაწლავებს, რეპროდუქციულ სისტემას, გულს და ტვინსაც კი. ფარისებრი ჯირკვალი ყელის არეში მდებარეობს და მას პეპლის ფორმა აქვს.

სიმპტომი 1. დეპრესია და უხასიათობა

თიროიდული ჰორმონის უკმარისობამ, ასევე, მეტობამ, შესაძლოა ხასიათზეც იმოქმედოს. კერძოდ, კი თიროიდის ნაკლებობა (ან მეტობა) "ბედნიერების" ჰორმონის დონის დაწევაზე აისახება. შესაბამისად კი, თავს დათრგუნულად და დეპრესიულად გრძნობთ. თუკი ის თიროიდი მომატებულია, შფოთვისა და გაღიზიანების შეგრძნება გაქვთ.

სიმპტომი 2: კუჭის აშლილობა

თუკი ამ პრობლემისგან დიდი ხანია ვერ თავისუფლდებით, დიდია იმის ალბათობა, რომ თქვენ თიროიდის ნაკლებობა გაქვთ, რაც ჰიპოთირეოზის ერთ-ერთი ყველაზე გავრცელებული ნიშანია.

სიმპტომი 3: ბევრი გძინავთ

დიახ, დილით ადრე ადგომა ბევრს უჭირს, მაგრამ თუკი ეს თქვენთვის ტანჯვაა და ამას სისტემატური ხასიათი აქვს, აუცილებლად შეიმოწმეთ ჰორმონები.

სიმპტომი 4: კანის სიმშრალე

მშრალი, გაუხეშებეული კანი გაქვთ მთელი წლის განმავლობაში და არა მხოლოდ ზამთარში? ეს შესაძლოა, ჰიპოთერიოზის ერთ-ერთი ნიშანი იყოს. ასევე, ამ პრობლემას შეიძლება ერთვოდეს ფრჩხილებისა და თმის სიმშრალე, თმის ცვენა. ამ ყველაფერს თიროიდული ჰორმონის უკმარისობა იწვევს.

სიმპტომი 5: წონის უცაბედი მატება

წონის უცაბედი მატება, თუნდაც არც უმნიშვნელო, ფარისებრის დაავადების ერთ-ერთი სიმპტომია. ეს გამოწვეულია ნივთიერებათა ცვლის სიჩქარის დაქვეითებით, რასაც მადის დაქვეითებაც ერთვის, რაც ხელს უშლის ნივთიერებათა ცვლის მოწესრიგებას. იგივე ითქმის იმ ადამიანებზე, ვინც წონის დაკლებას სხვადასხვა დიეტითა და ვარჯიშით ცდილობს და ვერ ახერხებს.

სიმპტომი 6: ლიბიდოს დაქვეითება

ლიბიდოს დაკარგვა ჰიპოთირეოზის 12 ნიშანთაგან ერთ-ერთია. ეს არ არის ძირითადი ფაქტორი, მაგრამ თუ ამას სხვა სიმპტომებიც ერთვის, აუცილებლად ყურადღება მისაქცევია.

სიმპტომი 7: სახსრების ტკივილი და სისუსტე

როგორც წესი, ტკივილი ზოგადად – ნორმალურია. მაგალითად, თუკი რაიმე დაარტყით, ის აუცილებლად გეტკინებათ, ან დიდი ხანია, არ გივარჯიშიათ და ახლა მოინდომეთ ფიზიკური აქტივობა – კუნთების ტკივილი გარანტირებული გაქვთ. მაგრამ მხოლოდ ასეთ შემთხვევებში. თუკი სახსრები უმიზეზოდ გტკივათ ან გტეხავთ, აუცილებლად უნდა მიაქციოთ ყურადღება.

სიმპტომი 8: გულის ამოვარდნა

სავსებით შესაძლებელია, რომ უბრალოდ, შეყვარებული ხართ და ეს მშვენიერია. თუმცა, თიროიდული ჰორმონი სულ სხვაგვარად მოქმედებს, ვიდრე მუცელში პეპლების ფრენაა. ისეთი შეგრძნება გეუფლებათ, თითქოს გული რამდენიმე ტაქტის გამოტოვებით ძგერს. ამის შემოწმება პულსაციითაც შეიძლება.

სიმპტომი 9: გაბრუება

ასაკთან ერთად მეხსიერება ქვეითდება, მაგრამ თუკი მეხსიერების ჩავარდნებს ხშირი ხასიათი აქვს, ეს, სავარაუდოდ, უბრალო გულმავიწყობა არ არის. თიროიდული ჰორმონის უკმარისობა და მეტობა ტვინზე პირდაპირ მოქმედებს.

სიმპტომი 10: მაღალი წნევა

თუკი ამ პრობლემას ვერაფრით წყვეტთ, დიდი რისკია, რომ საქმე ფარისებრ ჯირკვალშია. ჰორმონების არევა გულზე დატვირთვას იძლევა და შესაბამისად, წნევაც თამაშობს.

სიმპტომი 11: მენსტრუალური ციკლის არევა

ხანგრძლივი და მოჭარბებული მენსტრუალური ციკლი, რომელსაც თან ახლავს ტკივილები, ჰიპოთირეოზის ნიშანია. მენსტრუაციებს შორის პერიოდები, შესაძლოა, შემცირდეს.

TH-ს აწევამ შესაძლოა გამოიწვიოს ციკლის არევა. პერიოდი ხდება ან მოკლე, ან ხანგრძლივი, შესაძლოა, საერთოდაც უმნიშვნელო გამონადენით დაფიქსირდეს.

სიმპტომი 12: მადა და კვება

გაძლიერებული მადა შესაძლოა ჰიპოთერიოზის ნიშანი იყოს, რადგან ჰორმონის დიდი რაოდენობით გამოყოფა გამუდმებული შიმშილის გრძნობას იწვევს. ერთადერთი განსხვავება და შეიძლება ითქვას, "პლუსი" იმაშია, რომ ამ შემთხვევაში ფარისებრის ჰიპერაქტიურობის გამო კალორიების წვაც აქტიურდება და ადამიანი წონაში არ იმატებს.

რა სიმპტომებით ამოვიცნოთ ინფარქტი ერთი თვით ადრე