5 საღამოს ვარცხნილობა, რომლის გაკეთებაც თავადაც მარტივად შეგიძლია! - Marao
5 საღამოს ვარცხნილობა, რომლის გაკეთებაც თავადაც მარტივად შეგიძლია!
გადადე თმის დასაყენებლად განკუთვნილი ფული სხვა რამისთვის და გაიკეთე სადღესასწაულო ვარცხნილობა საკუთარი ხელით Wella-ს da Braun-ის საერთაშორისო ექსპერტის, საშა ბროიერის ინსტრუქციით.
1. არისტოკრატული
ნაბიჯი 1: წაისვი დაბანილ თმაზე მოცულობის მისაცემი მუსი, გაიშრე თმა მრგვალი, დიდი დიამეტრის სავარცხლით.
ნაბიჯი 2: დაიხვიე თმა ბიგუდებით ან მსხვილი დიამეტრის სტაილერით (თმის ელექტროდასახვევით). ოდნავ აიჩეჩე კბილებიანი სავარცხლით თმის ბოლოები და ძირები.
ნაბიჯი 3: გადაივარცხნე თმა ერთ მხარეს და დაიმაგრე უკან თმის სარჭით. შემდეგ აიღე თმა მეორე მხრიდან და გაიკეთე ნიჟარის ფორმის კოსა, დაიმაგრე "შპილკებით".
ნაბიჯი 4: ჩაიმაგრე გარეთ დარჩენილი თმის ღერები და დაიფიქსირე შედეგი ლაქით.
2. ორიგინალური
ნაბიჯი 1: წაისვი დაბანილ თმაზე (მთელ სიგრძეზე) მუსი. გაიშრე თმა მრგვალი, მსხვილი სავარცხლით.
ნაბიჯი 2: გამოყავი თმის შუა ნაწილი და ძირებში აიჩეჩე. შემდეგ მოცულობის მისაცემად ოდნავ აიჩეჩე თმის ეს ნაწილი და დროებით შეიკარი.
ნაბიჯი3: გამოყავი თმის ზოლები საფეთქლებთან და კარგად გადაივარცხნე უკან, შეკარი კუდები. იმისათვის, რომ სიპრიალე მიანიჭო, კარგად ჩამოივარცხნე და დაიფიქსირე თმის ლაქით.
ნაბიჯი 4: გაიშალე თმის შუა, დროებით შეკრული ნაწილი და ოდნავ გადაივარცხნე უკან. დააფიქსირე საფინალო შედეგი ლაქით.
3. რომანტიკული
ნაბიჯი 1: სველ თმაზე თანაბრად გადაინაწილე ხვეული თმის მუსი და გაიშრე თმა.
ნაბიჯი 2: დაყავი თმა პატარა ნაწილებად და თითოეული დაახვიე თმის დასახვევი უთოთი. მიღებული კულულები სათითაოდ დაიმაგრე მაღლა თმის სარჭით. დააცადე, რომ გაგრილდეს თმა, მოიხსენი სარჭები.
ნაბიჯი 3: აიღე თმის შუა მონაკვეთი, დაახვიე თავის კიჩოსთან და დაიმაგრე სარჭებით.
ნაბიჯი 4: დარჩენილი თმა გაანაწილე და დაამაგრე კოსასთან სარჭით. რამდენიმე კულული დატოვე ჩამოშლილი.
ნაბიჯი 5: დააფიქსირე შედეგი ლაქით.
4. დახვეწილი
ნაბიჯი 1: გაიყავი თმა შუაზე, შემდეგ ერთი მხარე გაყავი სამ ნაწილად და დაწანი ფრანგული ნაწნავი განაყოფიდან საფეთქლამდე, შემდეგ კი კეფისკენ. ყოველ ჩაწნაზე დაუმატე ნაწნავს თმა კეფის მხრიდან და სახიდან.
ნაბიჯი 2: კეფასთან რომ მიხვალ, შეცვალე ნაწნავის მიმართულება ისე, რომ წრეზე წახვიდე, რათა თავზე დაწნული გვირგვინი მიიღო.
ნაბიჯი 3: დარჩენილი თმა ჩვეულებრივ ნაწნავად ჩაიწანი.
ნაბიჯი 4: ჩაიმაგრე ნაწნავის დარჩენილი ნაწილი გვირგვინზე, ბოლოები დამალე და დაიმაგრე სარჭის მეშვეობით.
ნაბიჯი 5: დააფიქსირე მიღებული ვარცხნილობა ლაქით.
5. მდიდრული
ნაბიჯი 1: წაისვი სველ, დაბანილ თმაზე მუსი და გაიშრე ფენით. მიეცი ფორმა მსხვილი, მრგვალი სავარცხლით.
ნაბიჯი 2: გამოყავი თმის პატარა ნაწილი სავარცხლის მეშვეობით, მაგრამ იმისათვის, რომ საბოლოო ვარცხნილობა ეფექტური გამოვიდეს, შეეცადე, თმის ეს ნაწილი წარბის შუა ნაწილის გასწვრივ აიღო და წამოიღო თავზე, როგორც "აბადოკი".
ნაბიჯი 3: გაანაწილე თმის ეს ნაწილი სამ თანაბარ ნაწილად და დაიწყე ფრანგულად დაწნა.
ნაბიჯი 4: როცა ნაწნავი ყურამდე მივა, დაასრულე დაწნა ჩვეულებრივი მეთოდით. დაიმაგრე წვრილი რეზინით. შეეცადე, რომ დაუწნელი ადგილი რაც შეიძლება მოკლე დარჩეს, მისი დაფიქსირება უფრო მარტივი იქნება.
ნაბიჯი 5: მეორე მხარესაც იგივენაირი ნაწნავი გაიკეთე. შეაერთე ორივე უკან და გადააფარე ზემოდან დარჩენილი, გაშლილი თმა. დააფიქსირე ვარცხნილობა თმის ლაქით.