როგორ გავიმკვრივოთ მოშვებული მკლავები? - 8 მარტივი სავარჯიშო - Marao

სილამაზე - პროპორციების საკითხია და არა სტანდარტების. ლამაზი სხეული - ჯანსაღი და მოხდენილი, ტონუსისა და ძალის მქონეა.

მთავარია არა ის, თუ როგორ გამოიყურებით, არამედ, როგორ გრძნობთ თავს. დღეს უამრავი ადამიანი ხარჯავს ფულს სპორტულ დარბაზებსა და მოწყობილობებში, სპორტულ ტანისამოსსა და დამატებით პროცედურებზე.

არადა, ყველაფერი, რაც კი საჭიროა, სახლში გაქვთ. ვარჯიშისთვის დღეში მხოლოდ ნახევარი საათი საკმარისია, დარწმუნებულნი ვართ - ერთთვიანი მარტივი სავარჯიშოების შედეგად მნიშვნელოვან ცვლილებებს შენიშნავთ. კერძოდ, ხელების ტონუსისასთვის არ არის საჭირო ძვირად ღირებული ფიტნეს-ცენტრები, კოსმეტოლოგები და მით უმეტეს, პლასტიკური ქირურგიის ჩარევა.

1. მარტივი აზიდვები

მარტივი აზიდვები მატებს ხელებს ტონუსს. ძალა დაატანეთ მოხრილ მუხლებს და არა ფეხებს. ხელები - მხრების პერპენდიკულარულად. დაჭიმეთ მუცელი, კორპუსი და პრესი. მოხრილი ხელებით შეასრულეთ აზიდვები 10-12-ჯერ.

2. ნახტომი ფეხები ერთად - ფეხები ცალ-ცალკე

დადექით სწორად, ფეხები მხრების სიგანეზე, ხელები გაშალეთ. დაიწყეთ ხტომა: ფეხები ცალ-ცალკე, თავს ზემოთ - ტაში. შემდეგ შეატყუპეთ ფეხები და ისე იხტუნავეთ, ხელები გაშალეთ. გაიმეორეთ 25-ჯერ.

3. ხელების მოხრა კონსერვის ქილით

ქილა მძიმე უნდა იყოს. დადექით სწორად. ფეხები შეატყუპეთ.ხელები დაჭიმეთ და ყურებს მიადეთ. 2-ვე ხელით გეჭიროთ ქილა. მოხარეთ ხელები უკან 90 გრადუსით. დაჭიმეთ კუნთები და საწყის პოზიციას დაუბრუნდით. გაიმეორეთ 10-12-ჯერ.

4. ღვინის ბოთლის აწევა

ეს შტანგის გაადვილებული ვარიანტია. ნუ გაგეცინებათ. დაწექით იატაკზე ან სკამზე. მოხარეთ ხელები უკნიდან და ბოთლიანი ხელები დაიდეთ შუბლზე. ნელ-ნელა გაშალეთ ხელები მაღლა და ასევე ნელ-ნელა დასწიეთ საწყის პოზიციაზე. გაიმეორეთ 10-12-ჯერ.

5. ჩაჯდომები სკამთან ერთად

აიღეთ სკამი და დაიდგით ზურგს უკან. გაშალეთ ფეხები რაც შეიძლება ფართოდ და ნელ-ნელა ჩაჯექით, დაეყრდენით სკამის დასაჯდომს. ასევე ნელ-ნელა წამოდექით. გაიმეორეთ 10-12-ჯერ.

6. აზიდვები საწოლში

ხელებით დადექით ლოგინის პირას, ძალა სწორედ ხელებს დაატანეთ. ნელ-ნელა მოხარეთ ხელები, სანამ იდაყვის კუთხე 90 გრადუსი არ გახდება. დაუბრუნდით საწყის პოზიციას. გაიმეორეთ 10-12-ჯერ.

7. ტრიცეპსის აზიდვები გვერდზე წოლით

დაწექით მარცხენა გვერდზე, ფეხები შეატყუპეთ, მუხლები მოხარეთ. დასაყრდენი ხელი კორპუსს ეხვევა. მარჯვენა ხელი მოხრილია და ხელისგულით იატაკს ეყრდნობა. ასწიეთ მარჯვენა ხელი ისე, რომ, ფეხები და საჯდომი არ დაიძრას. დაუბრუნდით საწყის პოზიციას.

გაიმეორეთ 10-12-ჯერ.

8. ალმასის აზიდვები

დადექით ჩვეულებრივი აზიდვების პოზიციაში. ხელის მტევნებით იატაკს ისე დაეყრდენით, მკერდის ქვეშ სამკუთხედი რომ წარმოიქმნას. საჩვენებელი და დიდი თითები ერთმანეთის პირისპირ დააწყვეთ. თქვენი ხელის მტევნები რომბებსა და პირამიდას წარმოქმნიან. კორპუსი დაჭიმეთ, ტანი კი სწორ ხაზს უნდა ჰგავდეს. დაიწყეთ აზიდვები იატაკისკენ. დაუბრუნდით საწყის პოზიციას. გაიმეორეთ 10-12-ჯერ.