ასაკის მატებასთან ერთად სახის კანი სიმკვრივეს კარგავს და ლოყები დაბლა "ჩამოდის". რა უნდა მოვიმოქმედოთ, რომ მოვიშოროთ ე.წ. ბულდოგის ლოყები?
პირველ რიგში, დრო უნდა გამონახოთ და ვარჯიში დაიწყოთ: ჩამოსიებული ლოყები ასაკსაც გმატებთ და მოწყენილ იერსაც. ამიტომ გაიკეთეთ ამგვარი ვარჯიშები:
1. გამობერეთ ლოყები, გაჩერდით ასე 3 წუთი და მოადუნეთ ისინი, გაიმეორეთ 10-ჯერ.
გამობერეთ ლოყები, ჰაერი ერთი ლოყიდან გადაიტანეთ მეორე ლოყაში. გაიმეორეთ 10-ჯერ.
გამობერეთ ლოყები, ახლა ჰაერი ზევით-ქვევით ამოძრავეთ. გაიმეორეთ 10-ჯერ. დააკვირდით ყელს.
გამობერეთ ლოყები და ჰაერი მრგვლად დაატრიალეთ პირში. გაიმეორეთ 10-ჯერ. დააკვირდით ყელს.
2. გამობერეთ ლოყები და ჰაერი მოპუწკული ტუჩებიდან გამოუშვით. გაიმეორეთ 10-ჯერ.
ისევ გამობერეთ ლოყები, მაგრამ ჰაერი ზედა ტუჩის აწევით გამოუშვით პირიდან. გაიმეორეთ 10-ჯერ.
ეს ვარჯიში კარგია ლოყებისთვისაც და ღრძილებისთვისაც.
3. გამობერეთ ლოყები და ხელების მიჭერით გამოუშვით ჰაერი პირიდან, იგრძენით სიმკვრივე ლოყებში. გაიმეორეთ 10-ჯერ.
4. ხელისგული ტუჩებზე მიიდეთ, თითებით ლოყა დაიჭირეთ და გაიღიმეთ, მაგრამ ლოყებს მოძრაობის უფლება არ მისცეთ. ყოველი გაღიმების შემდეგ მოდუნდით. გაიმეორეთ 10-ჯერ, შეცვალეთ ხელი და მეორე მხარესაც 10 შემაკავებელი ღიმილი გააკეთეთ.
ვარჯიში ლოყის ქვედა ნაწილის გასამკვრივებლად:
1. ზედა ტუჩი ქვედას გადმოაფარეთ, ახლა ქვედა მოაქციეთ ზედაზე. გაიმეორეთ 10-ჯერ.
2. ასწიეთ სახე მაღლა, გააღეთ პირი და ქვედა ტუჩი ცხვირისკენ მიმართეთ. გაიმეორეთ 10-ჯერ.
3. გააღეთ პირი, წინ გამოსწიეთ ტუჩები, გააკეთეთ კოცნისმაგვარი მოძრაობა. გაიმეორეთ 10-ჯერ.
ახლა კი მარტივი და ეფექტიანი ნიღაბიც მოამზადეთ: ერთმანეთში აურიეთ 2 სადილის კოვზი არაჟანი და 1 ს/კ თაფლი. მიღებული მასა მთელ სახეზე წაისვით. ეს საუკეთესო მკვებავი ნიღაბია და ვარჯიშებთან ერთად აუცილებლად გიშველით.