რისთვის ატარებენ მაჯაზე წითელ ძაფს: სიმართლე თილისმის შესახებ - Marao

ალბათ შეგიმჩნევიათ, რომელიმე ცნობილ ადამიანს ოქრო-ბრილიანტთან ერთად მაჯაზე წითელი ძაფი რომ უკეთია. ბოლო დროს იგი სულ უფრო ხშირად გვხვდება თვალში.

რას ნიშნავს ეს იდუმალი თილისმა? წითელი ძაფი კაბალისტური ამულეტია, რომელიც ჯადოსგან და გათვალვისგან იცავს. ცნობილი მომღერალი მადონა ერთ-ერთი პირველთაგანი იყო შოუ ბიზნესის ვარსკვლავთაგან, ვინც მსგავსი ძაფი გაიკეთა.

კაბალისტები ძაფს მარცხენა მაჯაზე იკეთებენ, რადგან სწამთ, რომ სხეულის მარცხენა მხარე იღებს უარყოფით ენერგიას. ნამდვილმა კაბალისტურმა ძაფმა სპეციალური რიტუალი რახილის საფლავთან უნდა გაიაროს. ფსიქოლოგები თვლიან, რომ თილისმის ძალა ჩვეულებრივ ძაფსაც აქვს. ადამიანი საკუთარი რწმენით მუხტავს წითელ ძაფს დადებითი ენერგეტიკით.

ითვლება, რომ ნამდვილი ძითელი ძაფი შალის უნდა იყოს და არ ჰქონდეს შესაკრავები, აუცილებლად ნაყიდი უნდა იყოს და ახლობელმა ადამიანმა შვიდჯერ უნდა განასკვოს მაჯაზე.

კაბალისტები ამბობენ, რომ ძაფი პერიოდულად უნდა შეიცვალოს: უმჯობესია კვირაში ერთხელ, რადგან ამ პერიოდში ძაფი უარყოფით ენერგიას აგროვებს. მაგრამ არსებობს მოსაზრება, რომ ძაფის მოხსნა არავითარ შემთვევაში არ შეიძლება. იგი თავისით უნდა დაიკარგოს (მოგძვრეთ ხელიდან) ნიშნად იმისა, რომ ადამიანმა სერიოზულ საფრთხეს აარიდა თავი.