თუკი გსურს ოჯახში ფული მიიზიდო, ეს ხრიკი უნდა გაიმეორო! - Marao

ამბობენ, რომ ამ მეთოდს მართლა სასწაული ძალა აქვს...

ფენშუის მიხედვით, საკმარისია, შინ გაზარდო ბარაქის ხე, რომ შენი ფინანსური მდგომარეობა უკეთესობისკენ შეიცვლება...

მაგრამ მაინც, როგორ მოვიზიდოთ შინ ფული ბარაქის ხის მეშვეობით?

მწვანე შეფერილობისა თუ მსუყე ფოთლების გამო ბარაქის ხე თითქოს მართლაც მოგვაგონებს  დოლარის მსხვილ კუპიურებს! მაგრამ ეს, რა თქმა უნდა, არ არის იმის მიზეზი, რომ ამ მცენარეს ფულის ხე შეარქვეს...

ფულის ხე წვნიან ფოთლებში დიდი რაოდენობით ეთერზეთების შემცველობის წყალობით ააქტიურებს ტვინის მუშაობას და ადამიანის ფიზიკურ მონაცემებს. რეკომენდებულია, მოათავსოთ ფულის ხის ქოთანი სამუშაო მაგიდაზე: ცოტა ხანში შეამჩნევთ, რომ სამუშაო მეტ სიამოვნებას განიჭებთ და შემოსავალიც მოაქვს!

იმისათვის, რომ სახლში ფული არ გამოილიოს, ჩაატარეთ შემდეგი რიტუალი: მცენარის დარგვამდე ქოთანში, ფსკერზე მოათავსეთ 6 ცალი რკინის ფული და წარმოიდგინეთ თავი წარმატებულ, ჯანმრთელ და მდიდარ ადამიანად. მცენარის ყოველ მორწყვაზე წარმოიდგინეთ იგივე სურათი და რაც შეიძლება მკვეთრად. ეს ხრიკი წარმატებისთვის დაგაპროგრამებთ!

თუკი შინ უკვე გაქვთ გაზრდილი ბარაქის ხე, შეგიძლიათ უბრალოდ ჩაფლათ მონეტა ქოთანში. ეს თილისმა მაინც იმუშავებს თქვენ სასიკეთოდ! კარგი იქნება, თუკი ტოტებზე წითელ ლენტზე ჩამოკიდებულ მონეტებს დაკიდებთ. მათი შემხედვარე, შენდაუნებურად გაიფიქრებ, რომ ფული თავისით მოდის...

ბარაქის ხე უკეთ გაიხარებს, თუკი უფრო დიდ ქოთანში ჩარგავთ და მეტ სინათლეს მისცემთ. იდეალური იქნება წითელი ან ბორდოსფერი ქოთანი, დასაშვებია ყავისფერი, შავი, ოქროსფერი ან ვერცხლისფერი.

არ დაგავიწყდეთ ფოთლებიდან მტვრის გადაწმენდა და ზოგადად, მცენარის მოვლა!