6 ხრიკი იდეალური წარბის ფორმის მისაღებად - Marao
6 ხრიკი იდეალური წარბის ფორმის მისაღებად
წარბის გაფორმება უკვე რამდენიმე სეზონია, მაკიაჟის მთავარი ელემენტია. შეგიძლია საათები დაუთმო სახის კანის ფერის გასწორებას, შექმნა თვალების რთული მაკიაჟი, საგულდაგულოდ შეარჩიო პომადა, მაგრამ...
ძალისხმევა ფუჭად ჩაივლის, თუ წარბს ლამაზი ფორმა არ აქვს. სწორედ წარბია სახის მთავარი შტრიხი და მას უნდა მიექცეს დიდი ყურადღება.
გთავაზობთ რამდენიმე ლაიფჰაკს, რომლების დახმარებითაც სალონურ ეფექტს მიიღებთ შინიდან გაუსვლელად.
იდეალური ფორმის წარბები
მთავარია, გაითვალისწინოთ ფორმა და თვალების განლაგება. სწორედ წარბები ქმნის იდეალურ იმიჯს.
გამოავლინეთ წარბის საწყისი კუთხე, უმაღლესი წერტილი და დაბოლოება. გამოიყენეთ სქემა შეცდომის ასარიდებლად.
გამოიყენეთ სპეციალური სახაზავი, თუ ერთი წარბი მეორისგან საგრძნობლად განსხვავდება. ეს დაგეხმარებათ პროპორციების დაცვაში.
არასოდეს ამოიქნათ წარბი ზემოდან. მოდა იცვლება, ხშირი ამოქნისგან კი თმა არ ამოგივათ.
ამოქნისას ყოველთვის დაივარცხნეთ წარბები, ფორმაზე გარკვეული წარმოდგენა რომ შეგექმნათ.
ახლა კი წარბების მაკიაჟს შეუდექით. გამოიყენეთ თმაზე 2 ტონით მუქი ფანქარი და ჩრდილები. დაიმახსოვრეთ: არასოდეს გამოიყენოთ შავი ფერი, თუნდაც ძალიან მუქთმიანი იყოთ - უმჯობესია, მუქი ყავისფერი.
აი, ასე უნდა დაიხატოთ წარბი სწორად: თავიდან წარბის ბოლო შეავსეთ, შემდეგ ძირითად ნაწილზე გადადით. ამგვარად შექმნით ომბრეს ეფექტს. წარბის ქვეშ კანზე წაისვით ღია კონსილერი - ეს წარბებს უფრო გამოკვეთავს.
