გსურს, შეცვალო შენი ცხოვრება? - შეიცვალე ვარცხნილობა! ვარცხნილობები, რომლებიც 2017 წელს მოდური იქნება - Marao

ქალებს მუდამ რადიკალური ცვლილებები სურთ: გრძელი თმის შეჭრა, ხვეულის გასწორება, სწორის დახვევა... თმის ფერის ცვლილებაზე რომ აღარაფერი ვთქვათ!

ახალი იმიჯის შერჩევა, ცოტა არ იყოს, რთულია. ამიტომ გთავაზობთ 2017 წლის ვარცხნილობების ტენდენციებს. შეარჩიეთ თქვენთვის ყველაზე კომფორტული და თქვენს ხასიათსა და იმიჯს მორგებული ვარცხნილობა.

2017 წლის მოდური ვარცხნილობები

დაუდევარი ბუნებრიობა კვლავ მოდაშია. ოდნავ ტალღოვანი, არეული თმა, თითქოსდა ახლა გაშრა ზღვაში ნებივრობის შემდეგ - იდეალური ვარიანტია ქალებისთვის, რომლებსაც დრო არასოდეს ყოფნით. მაგრამ დაიმახსოვრეთ, რომ არსებობს ზღვარი მსუბუქ დაუდევრობასა და მოუვლელ იერსახეს შორის.

ასეთი ვარცხნილობა არ მოითხოვს დასაფიქსირებელ საშუალებებს და ვარცხნილობის შესაქმნელ პროფესიონალურ ცოდნას. ის გამოირჩევა უნივერსალურობით, უხდება სახის ნებისმიერ ტიპს. უხდება როგორც ახალგაზრდას, ასევე, ხანშიშესულ ქალს.

კარდინალურად განსხვავებული ტრენდია - სწორი, იდეალურად შეჭრილი თმა. ასეთი სწორი შეჭრა სინატიფეს მატებს როგორც გრძელ, ასევე მოკლე თმას. ასეთი ეფექტის მიღება თმის შესაჭრელი მანქანით არის შესაძლებელი. ეს ვარცხნილობა არ მოუხდება თხელი თმის მქონეთ.

სწორი "ჩოლკა" სეზონის ჰიტი ხდება. არ არის აუცილებელი, სქელი და წარბებამდე ჩამოშვებული იყოს.

მიაქციეთ ყურადღება: ნებისმიერი "ჩოლკის" სიგანე უნდა განისაზღვრებოდეს თვალების შიდა კუთხით, სხვაგვარად, სახე არაბუნებრივად ფართო გამოჩნდება. ასევე ჩოლკა არ უხდება ძალიან ვიწრო შუბლის მქონე გოგონებს.

კასკადი მოდაში ბრუნდება. ის უხდება მოკლე და გრძელ თმასაც. უზადოდ გამოიყურება ასეთი თმა, თუ ოდნავ დავახვევთ.

ბიჭური ვარცხნილობა კვლავ პოპულარობის პიკზეა. ასეთ ნაბიჯს მხოლოდ ძალიან თამამი გოგონები თუ გადადგამენ, მაგრამ მამაკაცების აზრით, ეს ძალიან სექსუალურია. მაგრამ ეს ვარცხნილობა მხოლოდ მაღალ და თავის ქალის იდეალური ფორმის მქონე გოგონებს უხდება.