როგორია იდეალური ფორმის ტუჩები? იპოვეთ თქვენი ტიპი - Marao

სქელ ტუჩებზე ყველა გიჟდება. ყოველ წელს მხოლოდ აშშ-ში 30 ათას იმპლანტს ისვამენ ტუჩებში. ფილერებზე ხომ საუბარიც ზედმეტია. ამერიკელი ქირურგები დაფიქრდნენ იმაზე, თუ როგორ უნდა გამოიყურებოდეს იდეალური ტუჩები თანამედროვე მამაკაცების აზრით და ჩაატარეს კვლევა 400 მონაწილეს შორის.

ახლა, თუკი გადაწყვეტთ ტუჩების მოდელირებას, უკვე იცით, ვის უნდა უმადლოდეთ მოსაზრებას, თუ როგორ უნდა გამოიყურებოდეთ.

მაშ ასე, 2017 წლის თებერვალში კალიფორნიის უნივერსიტეტის მკვლევარებმა ჩაატარეს ტესტირება. მამაკაცებს შესთავაზეს, შეეფასებინათ ფოტოშოფში დამუშავებული ყოველი ფოტო. შეფასებები 1-დან 10 ქულამდე მერყეობდა.

თავიდან აკვირდებოდნენ, რამდენად სქელი უნდა იყოს ტუჩები, სახეზე რა ფართობი უნდა ეკავოს.

შემდეგ აფასებდნენ, რამდენად დიდი უნდა იყოს ზედა ტუჩი ქვედასთან შეფარდებაში, და პირიქით.

შემდეგ ყველა მოსაზრება ერთ ფორმულაში გამოიყვანეს.

აი, რა ვიცით უკვე მამაკაცების შესახებ:

მათ მოსწონთ ბუნებრივზე 50%-ით დიდი ტუჩები.

მათ მოსწონთ, როცა ქვედა ტუჩი ზედაზე 2-ჯერ დიდია, რაც ბუნებაში არ გვხვდება.

პლასტიკური ქირურგების საზოგადოებისთვის ეს კვლევა უსიამოვნო აღმოჩენა გამოდგა, რადგან მათი პაციენტების უმეტესობა სწორედ ზედა ტუჩის გადიდებას ითხოვს.