ცელულიტთან საბრძოლველი 3 იაფი და ეფექტური მეთოდი, რომელსაც თავად დაამზადებ - Marao

"ფორთოხლის კანთან" დღეიდანვე უნდა დაიწყოთ ბრძოლა.
გთავაზობთ 3  გამოცდილ და ეფექტურ საშუალებას.

თიხით

ცისფერი ან შავი თიხა აფთიაქებში იყიდება. დაუმატეთ წყალი, რომ მიიღოთ არაჟნისმაგვარი მასა. სახვევის გაკეთებამდე მიიღეთ ცხელი აბაზანა, გამოიყენეთ სკრაბი. შემდეგ წაისვით თიხა, შემოიხვიეთ სამზარეულოს პოლიეთილენის სახვევი. გაიჩერეთ 30 წუთი, ჩამოიბანეთ და წაისვით მკვებავი კრემი.

ციტრუსისა და ნუშის სკრაბი

ერთმანეთს შეურიეთ თანაბარი რაოდენობის ზღვის მარილი, შაქარი და ნუშის ზეთი. დაუმატეთ 2 წვეთი ეთერზეთი (ლიმონის, გრეიპფრუტს ან მანდარინის). სხეულის ნატურალური სკრაბი მზადაა. ციტრუსების ზეთი აუმჯობესებს ნივთიერებათა ცვლას პრობლემურ ზონებში, აახალგაზრდავებს კანს. ნუშის ზეთი ამკვრივებს კანს. ცელულიტი ქრება.

მატეს ჩაის აბაზანა

მატეს ფოთლები შეიცავს მატეინს - მეტაბოლიზმის გასაუმჯობესებელ ნივთიერებას. 5 ჩაის კოვზ ჩაის დაუმატეთ მდუღარე წყალი და ადუღეთ დაბალ ცეცხლზე 30 წუთი. შეგრილებულს დაუმატეთ 1/2 ჭიქა ზღვის მარილი და 5 სადილის კოვზი თაფლი (ჩაანაცვლეთ ყავისფერი შაქრით). მიღებული მასა დაუმატეთ თბილ აბაზანას და ჩაწექით 15 წუთი. გაწურული ჩაი შეგიძლიათ სკრაბივით გამოიყენოთ.