როგორ მოვრთოთ სამზარეულო საახალწლოდ ზოდიაქოს ნიშნების მიხედვით - Marao

ყველა დიასახლისისთვის სამზარეულო მთავარი ადგილია ბინაში. იქ იშლება სადღესასწაულო სუფრა ახლობლებისთვის და საახალწლოდ მის მორთვას განსაკუთრებული როლი ენიჭება.

ჰაერის სტიქია

ტყუპი

ბავშვივით დაუმორჩილებელია. უყვართ დღესასწაულები. ყურადღება მიაქციეთ ნაძვის ხის სათამაშოებით დეკორის შექმნას. მასალა შეიძლება ქაღალდიც კი იყოს.

სასწორი

კონსერვატიული, მაგრამ აქტიური ნიშანია. სამზარეულოს მოსართავად გვირგვინები და ბაფთები გამოიყენეთ.

მერწყული

განწყობას ფერადი გირლანდა გაგიუმჯობესებთ. მორთეთ სამზარეულოს კარადები, მაცივარი და ფანჯრები.

ცეცხლის სტიქია

ვერძი

უყვარს საახალწლო აქსესუარები. გირჩევთ, დეკორი საკუთარი ხელით შექმნათ. წინდებში პატარა საჩუქრები ჩადეთ და ბუხარზე ან რაფაზე ჩამოკიდეთ. საახალწლო პლაკატი შექმენით პოზიტიური წარწერებით.

ლომი

ცეცხლოვან ლომს საახალწლო დეკორად ყველაზე მეტად სანთლები მოეწონება. ისინი შეგიძლიათ თავადაც დაამზადოთ.

მშვილდოსანი

მათთვის მნიშვნელოვანი სუფრას მორთვაა. საახალწლო თემატიკის სუფრის გადასაფარებელი, ჭურჭელი და დეკორატიული აქსესუარები საახალწლო განწყობას შეუქმნის მათ სტუმრებსაც.

მიწის სტიქია

კურო

მშვიდ და მეოჯახე ნიშანს ჭყეტელა ნივთები არ უყვარს. სამზარეულო ვერცხლისფრად ან ოქროსფრად შეღებილი გირჩებით მორთეთ.

ქალწული

დახვეწილი დიასახლისია. ზედმეტობას ვერ იტანს. თუმცა, წიწვებით მორთულ სამზარეულოში სასიამოვნო არომატი რომ დადგეს, თავს მშვიდად იგრძნობს.

თხის რქა

მისი სახლი ელეგანტურადაა მორთული. ჩვენ კი ვურჩევთ, მეტი ყურადღება მიაქციონ საახალწლო ტექსტილს. სადღესასწაულო ბალიშები, სუფრა, ხელსახოცები და გადასაფარებლები სამზარეულოს ჯადოსნურად გადაასხვაფერებენ.

წყლის სტიქია

კირჩხიბი

მგრძნობიარე ნატურა და საუკეთესო დიასახლისია. თავად დაამზადეთ დეკორი. ამისთვის დაგჭირდებათ ლამაზი ჭურჭელი, სასურველია, მინის, რომელშიც წყალს ჩაასხამთ, ტოტებს, ნიჟარებს, ხელოვნურ ყვავილებსა და ბრტყელ სანთლებს მოათავსებთ.

მორიელი

საახალწლო განწყობა და სასიამოვნო არომატი რომ შექმნათ, სამზარეულოში ნაძვის ხის ქოთანი დადგით.

თევზები

თქვენთვის ახალი წელი ჯადოსნურ ზღაპარში დაბრუნებას ჰგავს. მძიმე და მყვირალა აქსესუარები არ გამოგადგებათ. ინტერიერი ჰაეროვანი სუვენირებით მორთეთ. კარგი იდეაა მინაზე ორნამენტების შექმნა. თუნდაც ფიფქების ან თოვლის ბაბუის დახატვა.