სტაფილოს ვეგეტარიანული სუპი - Marao

ბოლო დროს სხვადასხვა ქვეყნის კვების რაციონში სულ უფრო ხშირად ჩნდება სტაფილოს წვნიანის რეცეპტები. ის ძალიან არომატული და სასარგებლოა.

ინგრედიენტები:

სტაფილო 400 გ

ხახვი 2 ც

ზეითუნის ზეთი 2 ს/კ

რძე 400 მლ

ინდური სანელებელი "გარამ მასალა" 3 ჩ/კ

შავი პილპილი ½ ჩ/კ

ლაიმი ½ ც

მარილი გემოვნებით

მომზადების წესი:

გარეცხეთ სტაფილო, დაჭერით 0,5-1 სმ ზომის კუბებად. დაჭერით ხახვიც.

გაახურეთ ღუმელი 220°С-ზე. საცხობ ლანგარზე დააფინეთ ალუმინის ფურცელი "ფოლგა".

დააწყვეთ ხახვი და სტაფილო. მოასხით ზეითუნის ზეთი, მოაყარეთ ინდური სანელებელი, მარილი, პილპილი.

აცხვეთ 25-30 წთ. გამოიღეთ და გადაიტანეთ ბლენდერში. დაუმატეთ რძე, ლაიმის წვენი და ცოტა მარილი. დააბლენდერეთ.

თუ ძალიან სქელი გამოვა, გააზავეთ გადადუღებული თბილი წყლით.