ვინ იქნება ჯოლის პარტნიორი ცერემონიალის წაყვანისას, ჯერჯერობით უცნობია.
11 თებერვალს ბერლინის საერთაშორისო კინოფესტივალზე კონკურსგარე პროგრამაში ანჯელინა ჯოლის სადებიუტო რეჟისორული ნაშრომის - "სისხლისა და თაფლის მიწაზე - საპრემიერო ჩვენება გაიმართა. 36 წლის ჰოლივუდის ვარსკვლავი გერმანიის დედაქალაქს არაოფიციალურ მეუღლესთან, ბრედ პიტთან ერთად ესტუმრა. აქვე ცნობილი გახდა, რომ ჯოლი გაუძღვება "ოსკარის" დაჯილდოების ცერემონიას, რომელიც 26 თებერვალს ლოს-ანჯელესში გაიმართება.
წითელ ხალიჩაზე ანჯელინა ჯოლი ოქროსფერ გრძელ და ღრმად დეკოლტირებულ კაბაში ბრწყინავდა. Jenny Packham-ის კაბა მსახიობს მართლაც ძალიან უხდებოდა. ის სულ იღიმოდა და სიამოვნებით პოზირებდა ფოტოგრაფების წინ ბრედ პიტთან და საკუთარი ფილმის მსახიობებთან ერთად.
როგორც თავად ჯოლიმ აღნიშნა, ბოსნიის ომზე ფილმზე მუშაობამ მას ძალა და ენერგია წაართვა, მაგრამ ამასთანავე დიდი სიხარული და თვითკმაყოფილება მოუტანა. "პრემიერამდე ერთი კვირით ადრე ნერვული აშლილობა დამემართა.
საშინელი სიმძიმე და პასუხისმგებლობა ვიგრძენი ომში დაღუპულებისა და ფილმში თითოეული მონაწილის წინაშე. მაშინ მე თავს ვკითხე, სამართლიანი ვარ კი თითოეული მათგანის მიმართ? ეს ცხოვრების იმ მომენტს ჰგავდა როცა შხაპის ქვეშ ატირებული დგახარ და ვერავინ განუგეშებს.
ენჯის ძალების დაზოგვა არ აწყენდა, ის ხომ უახლოეს დღეებში მსოფლიოში ყველაზე მნიშვნელოვან ცერემონიალს წაიყვანს. ასეთი პატივი ჯოლის უკვე მეორედ ხვდა წილად - "ოსკარი" მას 2004 წელსაც მიჰყავდა.
ამჯერად მან კამერონ დიასი, ჰოლი ბერი და ჯენიფერ ლოპესი ჩამოიტოვა და კვლავ დამტკიცდა მის ცხოვრებაში ამ არანაკლებ საპასუხისმგებლო როლზე. ვინ იქნება ჯოლის პარტნიორი ცერემონიალის წაყვანისას, ჯერჯერობით უცნობია.