გაზაფხულზე ყოველთვის მატულობს გაციებისა და ვირუსული ინფექციების საფრთხე, ხარისხიანი მედიკამენტები კი ხშირად ხელმისაწვდომი არ არის. ამიტომაც რამდენიმე მარტივ ხალხურ რეცეპტს შემოგთავაზებთ.
ხველების დროს
გახეხეთ ხახვი, დაასხით 0,5 ლ ცხელი რძე და დააყოვნეთ. დალიეთ ნახევარი ძილის წინ, მეორე ნახევარი კი - დილით.
0,5 ლ ცხელ რძეს შეურიეთ 1 კვერცხი, დაუმატეთ 1 ჩაის კოვზი თაფლი და ამდენივე ნაღების კარაქი. კარგად აურიეთ და დალიეთ ძილის წინ.
1 თავი ხახვი და 5-6 კბილი ნიორი წვრილად დაჭერით, ჩაყარეთ რძეში და ადუღეთ მანამ, სანამ ხახვი და ნიორი არ გაიხსნება. დაუმატეთ ცოტა პიტნა და თაფლი. გაფილტრეთ და მიიღეთ 1 სუფრის კოვზი ყოველ საათში ერთხელ დღის განმავლობაში.
სტაფილოს ან თალგამის წვენი შეურიეთ რძეს 1:1 თანაფარდობით. მიიღეთ 1 სუფრის კოვზი დღეში 6-ჯერ.
აურიეთ ერთმანეთში 2 სუფრის კოვზი ახალი რძე, 2 სუფრის კოვზი ნაღების კარაქი, 2 კვერცხის გული, 1 ჩაის კოვზი პურის ფქვილი და 2 ჩაის კოვზი თაფლი. დალიეთ 1 ჩაის კოვზი 3-4-ჯერ დღეში.
ანგინის დროს
რეკომენდებულია თბილი რძისა და მინერალური წყლის (გაზგასული) ნარევის დალევა.
ყივანახველა
5 კბილი ნიორი დაჭერით წვრილად ან დანაყეთ და ადუღეთ 1 ჩაის ჭიქა რძესთან ერთად. დალიეთ დღეში რამდენჯერმე.
ბრონქიტი
1 ჩ.ჭ. რძე ჩაასხით მომინანქრებულ ჭურჭელში, ჩაყარეთ 1 ს.კ. სალბი, დაახურეთ თავზე, დადგით ნელ ცეცხლზე, წამოადუღეთ, გააცივეთ და გაფილტრეთ. ისევ აადუღეთ და დალიეთ ცხელი.
2 ჩ.ჭ. ადუღებულ რძეში გახსენით 1 დესერტის კოვზი ღორის გამდნარი ქონი. მიღებული ნაყენი სვით ცხელი, პატარ-პატარა ყლუპებით.
ქუთუთოებზე გამონაყარის დროს
გამონაყარზე მაწონში ამოვლებული დოლბანდი დაიდეთ. ზემოდან მრავალძარღვას ფურცელი მოათავსეთ, მის ზემოთ კი - მაგრად მოხარშული კვერცხი (ორად გაჭრილი, ცხელი). საფენი მანამ გედოთ, სანამ კვერცხი არ გაცივდება. პროცედურა 2-საათიანი ინტერვალით რამდენჯერმე გაიმეორეთ.
ჟურნალი "რეიტინგი"
(გამოდის ორშაბათობით)