ყვავილოვანი კომბოსტო სანელებლებით - ასეთი ჯერ არ გაგისინჯავთ! - Marao

გიზიარებთ ორიგინალურ რეცეპტს, რომელიც ამ სასარგებლო ბოსტნეულის არომატს ახლებურად წარმოაჩენს.
ნაზი, მსუბუქი და ტკბილი ყვავილოვანი კომბოსტო ამ რეცეპტით გულგრილს არავის დატოვებს.

ინგრედიენტები:

• ყვავილოვანი კომბოსტო 1 ცალი
• კვერცხი 2 ცალი
• დაფხვნილი პური 150 გ
• საფანელი 35 გ
• ფქვილი 3 ს/კ
• ზეითუნის ზეთი 2 ს/კ
• მწვანე ხახვი 2 პატარა კონა
• თაფლი 4 ს/კ
• ნივრის სოუსი 1 ს/კ
• ყავისფერი შაქარი 2 ს/კ
• სოიოს სოუსი 1 ს/კ
• გახეხილი ჯანჯაფილი 1 ჩ/კ
• ნიორი ¼ ჩ/კ
• მარილი, პილპილი გემოვნებით

მომზადების წესი:

1. გაახურეთ ღუმელი 200 გრადუსზე. საცხობ ლანგარზე დადეთ რკინის ბადე და წაუსვით ცოტა ზეითუნის ზეთი.
2. გარეცხეთ ყვავილოვანი კომბოსტო, დაანაწევრეთ.
3. ჯამში შეურიეთ კვერცხები და დაფხვნილი პურის მარცვლები. დაუმატეთ ფქვილი და აურიეთ.
4. შეგიძლიათ დაუმატოთ ცოტაოდენი პილპილი და მარილი. მასაში ამოავლეთ ყვავილოვანი კომბოსტო, შემდეგ ჩააწეთ ის საფანელში.
5. ყვავილოვანი კომბოსტო მოათავსეთ რკინის ბადეზე, მოაწუწეთ ზეითუნის ზეთი და აცხვეთ 30 წთ.
6. სანამ ყვავილოვანი კომბოსტო შეიწვება, მოამზადეთ სოუსი.
7. თაფლი, ნივრის და სოიოს სოუსი, ყავისფერი შაქარი, დაფქული ჯანჯაფილი და ნიორი შეურიეთ. დადგით ქვაბით ცეცხლზე და გააცხელეთ. ბუშტები უნდა გაუჩნდეს. შემდეგ გადმოდგით ცეცხლიდან და გააცივეთ. 
8. გამომცხვარი ყვავილოვანი კომბოსტო მოათავსეთ ლამაზ თეფშზე, მოასხით ზემოდან სოუსი და მოაყარეთ დაჭრილი მწვანე ხახვი.

გემრიელად მიირთვით!