ყველაზე „სიმპათიური“ თურქი მსახიობი ჩაგათაი ულუსოი თბილისში ჩამოდის(ფოტო/ვიდეო) - Marao

თურქული ტელესერიალების მსახიობი ჩაგათაი ულუსოი თბილისში ჩამოდის.

ორგანიზატორების თქმით, მისი ვიზიტი “ბერი ანდრიას სახელობის ფონდის’’ მხარდასაჭერად და სიმსივნით დაავადებული ბავშვების დასახმარებლად გამართულ საქველმოქმედო ვახშამს უკავშირდება, რომელიც 10 მაისს გაიმართება, 18:30 წუთზე,  რესტორან ,,ეთნო წისქვილში’’.

ჩაგათაი ბულგარული წარმომავლობის თურქია, რომელსაც ემიგრაციით მოუწია ბულგარეთიდან თურქეთში გადასვლა, დედა კი ბოსნიელი ჰყავს. ამჟამად 28 წლის მსახიობი, სამსახიობო კარიერის გარდა, მოდელობითაც არის დაკავებული, თუმცა პროფესიით ლანდშაფტის არქიტექტორია.

სტამბოლის უნივერსიტეტში სწავლის პერიოდში, ჩაგათაიმ პარალელურად სამსახიობო აკადემიაში დაიწყო სწავლა. პარალელურად, 19 წლიდან მოდელობით არის დაკავებული, ხოლო 2010 წელს „თურქეთის საუკეთესო მოდელის“ ტიტულიც მიიღო.

ჩაგათაის პირველი დებიუტი კინოში 2009 წელს შედგა რეჟისორ ანადოლ ქართა-ლანის მხატვრულ ფილმში „Anadolu Kar-talları“, სადაც მან აჰმეთ ონურის როლი შეასრულა.

იმავე წელს დაიწყეს მისი სინჯების გადაღება სერიალში „Adini feriha koydum“, სადაც მას ემირ საფაროღლუს როლი უნდა შეესრულებინა. აღნიშნული სერიალის 1-2 სეზონის გადაღებები 2011 წელს დასრულდა და მან დიდ აღიარებას მიაღწია თურქეთში, ბულგარეთში, პაკისტანში, რუსეთსა და საქართველოში.

მის ჩამოსვლამდე კი შეგიძლიათ კიდევ ერთხელ თვალი გადაავლოთ წარმატებული და ერთ-ერთი ყველაზე „სიმპათიური" მსახიობის მონაწილეობით გადაღებულ ფილმებს.

Anadolu Kartalları (გადადით ლინკზე)

Delibal - ველური თაფლი (გადადით ლინკზე)