როგორ დავმალოთ დაწეული ქუთუთოები მაკიაჟის მეშვეობით? - Marao

თუკი დაწეული ქუთუთოები გაქვთ და ვერ იხდენთ ჩრდილებს,
ბევრ დროს კარგავთ მათ წასმაზე, “მარაოს“ დღევანდელ სტატიაში გაგანდობთ რამდენიმე ხრიკს, რომლის მეშვეობითაც თვალებს გამოკვეთთ და დამალავთ დაწეულ ქუთუთოებს.

ყოველთვის დაიწყეთ პრაიმერით

• დაწეული ქუთუთოების დროს მთავარი პრობლემა არის ჩრდილების ერთმანეთში შერევა, რაც ნაკეცებს შორის მოგროვებით გამოიხატება და შედეგად ცუდი შესახედაობის არის. ამისათვის გამოიყენეთ პრაიმერი: საქმე იმაშია, რომ მისი სტრუქტურა წებოვნებით გამოირჩევა, აფიქსირებს პიგმენტს და შედეგად კანის ცხიმს არ აძლევს საშუალებას, გააფუჭოს თქვენი მაკიაჟი.

გამოიყენეთ წყალგამძლე ჩრდილები

• წყალგამძლე ჩრდილები სპეციალურად ისეა შემუშავებული, რომ ცხიმიან კანზეც კი თვალების მოსრესვის შემთხვევაშიც არ ითხაპნება და არ იცვლის ადგილმდებარეობას.

იყურეთ წინ

• ბევრი გოგონა თვალებზე ჩრდილის წასმის დროს ხუჭავს თვალს, რაც არ არის სწორი პრაქტიკა, ვინაიდან ჩრდილები ამ ფორმით იმალება და შედეგად, უმჯობესია გახელილ თვალზე წაისვათ, ამ ფორმით უფრო კარგად გამოაჩენთ ჩრდილს და გამოკვეთთ თვალის ჭრილსაც.

ტუშით დაფიქსირება

• ჩრდილების წასმის შემდეგ აუცილებლად გამოიყენეთ ტუში. ასე უფრო გაზრდით ვიზუალურად თვალის ჭრილს და დაწეული ქუთუთოებიც დაიმალება.

აირჩიეთ ნათელი და კაშკაშა ჩრდილები

• მუქი ჩრდილები დაღლილი და „დაწეული“ თვალების ეფექტს ქმნის. ამიტომ შეეცადეთ მაქსიმალურად გამოიყენოთ მკვეთრი ფერები, რაც დამალავს დაწეულ ქუთუთოს და თვალებსაც კარგად გამოგიჩენთ.

მეტი ქრომი

• ჩრდილების წასმის დროს აირჩიეთ ქრომის ფერის ჩრდილები, ანუ ისეთი, რომელიც ფერს იცვლის და რამდენიმე ფერის მიქსს წარმოადგენს. ასე უფრო ლამაზად გამოჩნდება თვალები და მაკიაჟიც გამორჩეულად განსხვავებული გექნებათ.

სწორად წაისვით ტუში

• წამწამების შუა ნაწილზე ტუში დაიტანეთ რაც შეიძლება მეტჯერ, ხოლო ბოლოებში ერთი ფენაც სრულიად საკმარისია. ეს მეთოდი დააბალანსებს თვალის ფორმას და დაგიმალავთ დაწეულ ქუთუთოებს.

გამოიყენეთ ბამბის ჩხირები

• საქმე იმაშია, რომ ბამბის ჩხირები დაგეხმარებათ ჩრდილების სწორად გადანაწილებაში, ანუ წასმის შედეგად დარჩენილი ჩრდილი გადაანაწილეთ და ერთმანეთში შეურიეთ ბამბის ჩხირების მეშვეობით. ასე შექმნით ვიზუალურად მოცულობითი თვალების ეფექტს და დამალავთ დაწეულ ქუთუთოებს.

წყარო:cosmo