2018-2019 წლების საუკეთესო საქორწილო ვარცხნილობები (ფოტო) - Marao

თუკი შენი ზაფხული საკმაოდ აქტიურად მიმდინარეობს
საქორწილო სამზადისში, გეტყვით, რომ ეს სტატია „მარაოს“ რედაქციამ სწორედ შენთვის მოამზადა იმისათვის, რომ გაგიმარტივოთ რაღაც გადაწყვეტილებების მიღება და გიკარნახოთ ყველაზე მოდური ტენდენციები საქორწილო თემებში.

• ბუნებრივად დახვეულ თმებს სათავეში იმიტომ ვაყენებთ, რომ ასეთი ვარცხნილობა ნებისმიერ კაბას უხდება. შესაბამისად, თავსაბურავის მორგებასაც სასურველი სიგრძის მიხედვით მოახერხებთ.

• ბუნებრიობა, ბუნებრიობა და კიდევ ერთხელ ბუნებრიობა! „სამეფო კარის თამაშების“ ვარსკვლავმა სწორედ ამას მიანიჭა უპირატესობა. მსუბუქი ხვეულები და სადა საქორწილო მაკიაჟი - აი, რა არის საჭირო ქორწილში „ვაუ“ ეფექტის მისაღებად. ასეთი ვარცხნილობა ყოველთვის აქტუალურია. მთავარია, ხვეულები კარგად დააფიქსიროთ.

• თუკი უკვე აღელდი იმის თაობაზე, რომ სასექსის ჰერცოგინიას სტილი გვერდზე მოვიტოვეთ, დამშვიდდი: მისი ვარცხნილობა ერთ-ერთი ყველაზე პოპულარულია საქორწილო მოდის სამყაროში, იმიტომ, რომ მეგანმა აირჩია აქტუალური კლასიკა, დიადემა და ბერძნული წნული მოდის ზენიტზე მყარად დგას მუდამ. ამასთანავე, ბალანსიც დაცულია: თავდაჭერილი, მორიდებული ვარცხნილობა მასიურ საქორწილო თავსაბურავთან ერთად აქსესუარითა და მასშტაბური კაბით.

• ლაკონურობა მუდამ ტრენდულია, ყვავილები თმაში აქტუალობას არ კარგავს. მსუბუქი „კოსა“, ასიმეტრიული წინამო და დიადემა - წარმატებული საქორწილო იმიჯის გარანტიაა, რომელიც მეგანმაც გამოსცადა საკუთარ თავზე.

• იგივე სტილი, დიადემის გარეშე, ასიმეტრია კვლავ აქტუალურია და ძალიან უხდება ქერა გოგონებს. არაფერი ზედმეტი, მხოლოდ ძეწკვი და მომცრო ზომის მარგალიტის საყურეები.

• მასიური, მძიმე ხვეულები და ასიმეტრიული წინამო - სადღესასწაულო განწყობის ვარცხნილობაა. უხდება თამამ მინი-კაბებს, მასიურ თავსაბურავთან ერთად.

• ულტრამოდური გოგონების ვარიანტში ასეთი ვარცხნილობა თავის სიტყვას იტყვის. უხდება სადა, თამამ კაბებსა და მასიურ ფეხსაცმელებს. შეგიძლია დაუმატო მუქი სათვალე და მასიური საყურეები.

• დავარცხნილი თმა ბევრს არ უხდება, მაგრამ კარგი ამბავიც გვაქვს: თავისუფლად შეკრული „კოსა“ ერთ-ერთი ყველაზე მოთხოვნადი ვარცხნილობაა სალონებში. ეს სტილი კი პრიანკა ჩოპრამაც მოირგო საკუთარ ქორწილში.

წყარო