12 ხრიკი, რომელიც ეხმარება ვარსკვლავებს, ფოტოებში ლამაზად გამოჩნდნენ (ნებისმიერი გაიმეორებს!) - Marao

ყველა მსახიობს, მოდელს ან უბრალოდ საზოგადო პერსონას თავისი ხრიკები აქვს, რომელიც ეხმარება, სურათებზე ბევრად უკეთ გამოჩნდეს. საუბარია არამარტო სამუშაო მხარეზე, იმ მომენტში, როცა კამერებთან ტრიალდებიან, მომგებიანი რაკურსით. სინამდვილეში არსებობს პატარა ხრიკები, რომლებიც ძალიან კარგ შედეგს  იძლევა.

"მარაოს" რედაქცია დააკვირდა ვარსკვლავების ფოტოპოზირების ხრიკებს, რომლებსაც გიზიარებთ. გასამეორებლად უმარტივესია, ჩაინიშნეთ!

1. ბლეიკ ლაივლი ენას მაღლა სწევს იმისათვის, რომ არ გამოუჩნდეს მეორე კისერი

• იმისათვის, რომ არ განიცადოს მეორე კისრის არსებობა და ოსტატურად დაფაროს, ბლეიკი ასეთ ხრიკს მიმართავს. კისრის კუნთების დაჭიმვის მეშვეობით მეორე კისერი აღარ ჩანს ვიზუალურად და შედეგად ვიღებთ კისრის მკვეთრ გამოსახულებას.

2. ნიკოლ კიდმანი კისრის კუნთებს ძაბავს იმისათვის, რომ სახის ოვალი უკეთ გამოჩნდეს

• მსახიობის ამაყი თავდაჭერის მანერა - კიდევ ერთი ხრიკია ნიკაპის გამოსაკვეთად. ნიკოლი მხრებს ქვევით სწევს, ხოლო თავს უფრო ზევით, რისი მეშვეობითაც იჭიმება კისერი - ამ მეთოდით იმალება კანზე ასაკობრივი ნაოჭები.

3. მონიკა ბელუჩი თავს ზევით სწევს

• იტალიელი მსახიობი ფოტოპოზირებისას ამ ხრიკს მიმართავს. ნიკოლის მსგავსად, ასე ფარავს ასაკთან ერთად გამოწვეულ ნაოჭებს კანზე და სახის ოვალი ბევრად ლამაზად წარმოჩნდება. იმისათვის, რომ ეს პოზა ბუნებრივად გამოჩნდეს, მონიკა თავს ოდნავ გვერდულად აფიქსირებს.

4. ტეილორ სვიფტი ყვრიმალების გამოსაკვეთად ლოყებს მსუბუქად კბილებით "იჭერს"

• ამერიკელ მომღერალს თავისი აპრობირებული ხრიკი აქვს, რომელსაც ყოველთვის იყენებს. ფოტოებზე პოზირებისას იღიმის ისე, რომ კბილები გამოუჩნდეს და ამავდროულად, კბილების მეშვეობითვე ლოყებს სწევს შიდა მხრიდან, ყვრიმალების უკეთ გამოსაკვეთად. ეს ხრიკი მარტივი შესამჩნევია ნიკაპზე არსებული ნაკეცებით.

5. მეგან ფოქსი ენას აჩვენებს, მეტი სექსუალურობისთვის

• ამერიკელი მსახიობის საფირმო გამომეტყველება - ოდნავ დაღებული პირი და გამოყოფილი ენაა, რისი მეშვეობითაც მეგანი თავის სექსუალურობას უსვამს ხაზს. ზოგჯერ მსახიობი ძალიან უცნაურად გამოიყურება, თუმცა ეს არ უშლის ხელს მის ქარიზმატულობასა და მიმზიდველობას.

6. ჯულია რობერტსი თვალებს აფართოებს

• ჰოლივუდელი ლამაზმანის ღიმილი საკუთარ თავში პატარა ხრიკს მალავს. ფართო ღიმილის დროს ჯულია იყურება ოდნავ ზემოთ, რისი მეშვეობითაც თვალების გარშემო ბევრად ნაკლები ნაოჭი ჩანს, გამომეტყველება კი - საკმაოდ სანდო და ოდნავ გულუბრყვილო.

7. ჯენიფერ ლოურენსი ზემოთ სწევს წარბებს

• სახის საფირმო გამომეტყველება მსახიობს მეტ ქარიზმატულობას მატებს. ის კამერებთან პოზირებისას არ აფიქსირებს მზერას და წარბებს ზევით სწევს, რაც უფრო იდუმალს ხდის მის მზერას.

8. მილა კუნისი ქუთუთოებს დაბლა ხრის მეტი სექსუალურობისთვის

• დიდი, მრგვალი თვალები - მსახიობის სავიზიტო ბარათია. იმისათვის, რომ მზერა უფრო სექსუალური გახადოს, მილა ქუთუთოებს ადუნებს და დაბლა ხრის. ამ ხრიკის გამოყენება შეუძლიათ მათ, ვისაც დიდი თვალები აქვს, რაც ვიზუალურად შეამცირებს ზომაში.

9. შარლიზ ტერონი პირით სუნთქავს

• იმისათვის, რომ უფრო "ცოცხალი" ეფექტი მიიღოს სურათებზე, შარლიზი მარტივ ხრიკს - პირით სუნთქვას მიმართავს. ეს ვიზუალურად მის ტუჩებს მოცულობას უზრდის, ვულგარული კვატის ეფექტის გარეშე.

10. მეგან მარკლი თავს ხრის მაყურებელთან მანძილის შესამცირებლად

• იმისათვის, რომ ფოტოზე ბევრად კეთილის მსურველი გამოჩნდეს, როგორც პრინცესას შეეფერება, მეგანი მარტივ ხრიკს მიმართავს: თავს გვერდზე და დაბლა ხრის, რითაც მაყურებელთან უფრო მჭიდრო კომუნიკაციას ამყარებს. კეთილ ღიმილსა და მზერას ხელის ჟესტი ემატება მეტი მიზიდულობისთვის.

11. სანდრა ბალოკი სხეულის დემონსტრირებისთვის მხრებს ზევით სწევს

• სანდრა თავის სხეულის ფორმებს სწორედ მხრების ოდნავ ზევით აწევით უსვამს ხაზს. მთავარია, გამეორებისას ძალიან არ გადაამეტოთ, ვინაიდან ასე ბევრად მოკლე კისერი გამოგიჩნდებათ.

12. კირსტენ დანსტი ნახევრად იღიმის

• ნახევარი ღიმილი - მსახიობის მთავარი ხრიკია, რომელიც მის ყველა ფოტოზე მარტივი შესამჩნევია.

საფირმო ხრიკის მოძიება ნებისმიერ ჩვენგანს შეუძლია. მთავარია, არ გადავამეტოთ იმისათვის, რომ სასაცილოდ არ გამოვჩნდეთ.

თქვენ რა ხრიკს მიმართავთ ფოტოპოზირებისას?

წყარო