18 ზედა, რომელიც ყველა გოგოს უნდა ჰქონდეს საბაზისო გარდერობში - Marao

როგორც წესი, ყველა გოგო თვეში ერთხელ მაინც დაფიქრებულა იმაზე, თუ რა ჩაიცვას. საქმე ტანსაცმლის არქონაში კი არა, არასწორად შერჩეულ საბაზისო გარდერობში მდგომარეობს.

რა არის საბაზისო გარდერობის მთავარი წესი?

• პირველ რიგში, ფერი. შეარჩიე მაქსიმალურად ნეიტრალური ფერი: შავი, თეთრი, ჩალისფერი (სეზონის ყველაზე მოდური ფერი), ნაცრისფერი.
• ფეხსაცმელი - ძირითადად, თეთრი, განსაკუთრებით, ბოტასები.
• ჩანთებთან პრეტენზიები არ გაგვაჩნია, წელს ამ კუთხით არანაირი შეზღუდვა არ გვაქვს.
• აქსესუარებიც საკუთარი გემოვნებით შეგიძლია შეარჩიო, თუმცა საბაზისო ტანსაცმელს მკვეთრი, შესამჩნევი აქსესუარები და დეტალები უხდება.
• დენიმებისა და ზედების მოდელებიც საბაზისო გარდერობზე საუბრისას ყველანაირ დიზაინერულ კრეატივს მოკლებული უნდა იყოს. გეომეტრიული და ღრმა ჭრილები გადადე გვერდზე. თუკი იცი, რომ ნამდვილად უხდება ასეთი სტილი ერთმანეთს, წინააღმდეგნი არ ვართ, დაიტოვე.

სავსე გარდერობი ყოველთვის არ მეტყველებს იმაზე, რომ მისმა მფლობელმა იცის, თუ რას შეუხამოს არსებული ვარიანტები. ხშირად დიდი რაოდენობის ტანსაცმელი, აქსესუარი და ტრენდული ნივთი ბრმა მიმნდობლობას ნიშნავს მოდის კანონმდებლებისადმი.

როგორ მოდელს მივანიჭოთ უპირატესობა?

• კლასიკას - ერთბორტიანი პერანგის მოდელი, შეკერილი თხელი ნაჭრისგან, როგორც წესი, ტანზეა გამოყვანილი, თუმცა შეგიძლია თავისუფალი სტილის ზედაზეც შეაჩერო არჩევანი. კლასიკური ზედა საბაზისო გარდერობის აუცილებელი ელემენტია. თუკი ელეგანტურობა და სიმკაცრე შენი სტილია, მაშინ ასეთი მოდელი სწორედ შენთვის არის. შეგიძლია შეუხამო სწორი დენიმები, მუხლამდე ქვედაბოლო, ხოლო მასიური აქსესუარის წყალობით ყოველდღიური ლუქი სადღესასწაულოდ შეგიძლია აქციო.

საინტერესო დეტალი

საბაზისო ნივთი ყოველთვის არ გამოირჩევა უბრალოებით. თუკი საინტერესო დეტალების დამატება გიყვარს ყოველდღიურად, მთავარი წესი არ დაგავიწყდეს - არ გადააამლაშო! ყურადღება მიაქციე ერთი დეტალის ზედას. ეს შეიძლება იყოს მკლავი-ნათურა ან ქამარი მკერდის გამოსაკვეთად. შეუხამე ლაკონურ ერთფეროვან ნივთებს, ფართოტოტებიან შარვალს მაღალი წელით, შორტებს კლასიკურ სტილში, დენიმებს და დენიმის ქვედაბოლოებს.

წყარო