მანამ უიტნი ამქვეყნიდან წავიდოდა, მისი ცხოვრება და კარიერა კვლავ აღმავლობის ხანას განიცდიდა, რაზეც მომღერლის უკანასკნელი ნამუშევარი Celebrate მეტყველებს.
უიტნიმ ეს სიმღერა ფილმი Sparkle-ისთვის ჯორდინ სპარკსთან ერთად ჩაწერა. ჰიუსტონის გარდაცვალების შემდეგ, Billboard Music-ის დაჯილდოების ცერემონიალზე, ჯორდინმა მომღერლის ხსოვნის პატივსაცემად მისი უკვდავი ჰიტი - I Will Always Love You შეასრულა. ამ ფაქტის შემსწრე ბობი კრისტინას გული აუჩუყდა.
Celebrate კი უიტნიმ სიკვდილამდე 4 დღით ადრე შეასრულა.
Sparkle - ეს 1976 წელს გადაღებული ფილმის რიმეიკია. ფილმში ჰიუსტონი სამი შვილის დედაა. გოგონები ძალიან მუსიკალურები არიან, თუმცა უამრავ პრობლემას შეეჯახებიან, როცა ცნობილები გახდებიან.
ფილმის სიუჟეტი რაღაცით 60-იან წლებში ძალიან პოპულარული ჯგუფის, The Supremes-ის ისტორიას ჰგავს. ჯგუფის სოლისტი დაიანა როსი გახლდათ. ჯორდინ სპარსი ახალ ვერსიაში უიტნი ჰიუსტონის ერთ-ერთი ქალიშვილის როლს ასრულებს.
ფილმზე რიმეიკის გადაღების პირველი მცდელობა რეჟისორ სალიმ აკილს ჯერ კიდევ 12 წლის წინ ჰქონდა. მაშინ ფილმის დასრულება ვერ მოხერხდა, რადგან ერთ-ერთ როლზე დამტკიცებული R&B ვარსკვლავი ალაია ავიაკატასტროფაში დაიღუპა (2001). ასე რომ, ალაია ახლა ამომავალმა პოპმომღერალმა ჯორდინ სპარკსმა შეცვალა.
"Celebrate-ის ჩაწერის დასრულების შემდეგ ყველა ავცევკვდით, - იხსენებს პროდიუსერი ჰარვი მენსონ-უმცროსი, - უიტნი მთელი არსებით მიეცა გართობას".
ფილმის მსოფლიო პრემიერა 2012 წლის აგვისტოში გაიმართება. მანამდე კი ნახეთ ვიდეორგოლი.