მწვანე ტყემლის საწებელი - Marao

ინგრედიენტები:

• 1 კგ მწვანე ტყემალი
• 2-3 ცალი ცხარე მწვანე წიწაკა
• 1 დიდი კონა ქინძი
• 2 კონა ომბალო
• 1 კონა ცერეცო
• 8 კბილი ნიორი
• მარილი

1. შევარჩიოთ ისეთი ტყემალი, რომელსაც კურკა უკვე გამაგრებული აქვს, თორემ საწებელი მწარე გემოს შეიძენს.
2. ტყემალს დავასხათ წყალი, რომ დაიფაროს და წამოვადუღოთ. როცა კურკა რბილობს მოშორდება, შევაგრილოთ და წვრილ საცერზე გავხეხოთ, ჩენჩო და კურკები გადავყაროთ.
3. მიღებულ მასას დავუმატოთ გატარებული ნიორი, ქინძი, ცერეცო, ომბალო, წიწაკა და მარილი.
4. საწებელი შეგვიძლია ბლენდერით ავთქვიფოთ.