10 ნიშანი იმისა, რომ ყოფილ შეყვარებულს ისევ უყვარხარ და ენატრები - Marao

შესაძლოა, საყვარელ ადამიანს ვეღარ გაუგეთ, თქვენი ცხოვრება კონფლიქტად გადაიქცა და ერთ დღესაც პარტნიორმა გითხრათ, რომ გშორდებათ. იცოდეთ, რომ ხშირ შემთხვევაში მსგავსი ურთიერთობები ბედნიერად სრულდება. რეალურად, შესაძლოა მცირე დროით ერთმანეთისგან დასვენება გჭირდებათ და ეს იმას არ ნიშნავს, რომ ერთმანეთი აღარ გიყვართ. ფსიქოლოგებმა მიაგნეს 10 ნიშანს, რომლებიც მიგანიშნებთ, თუ რამდენად ძვირფასი ხართ ჯერ კიდევ თქვენი ყოფილისთვის.

• 1. ცდილობს, ხშირად ჰქონდეს თქვენთან კომუნიკაცია - ეს ერთ-ერთი ყველაზე მკაფიო ნიშანია იმისა, რომ ისევ უყვარხართ და ენატრებით. გირეკავთ, გწერთ, თითქოს რაღაც საქმე აქვს და ეს საქმეები რეალურად ძალიან სასაცილოა. ამ ჟესტით ყურადღების მიქცევას ცდილობს და ნიშნავს, რომ ძალიან ენატრებით.

• 2. ამბობს, რომ სურს მეგობრები მაინც იყოთ და ცდილობს, დიდი დრო გაატაროს თქვენ გვერდით - თუ ამბობს, რომ სურს მეგობრებად მაინც დარჩეთ, ეს მიუთითებს, რომ მას არ სურს თქვენი დაკარგვა, რადგანაც სინამდვილეში ძალიან უყვარხართ.

• 3. დაშორების შემდეგ ის თავის ემოციებს ავლენს - ამბობს, რომ ძალიან სძულხართ, ბრაზობს ან საშინლად მოწყენილია და დეპრესიაშია. რა თქმა უნდა, ეს მიუთითებს, რომ უყვარხართ და ვერ ეგუება თქვენ დაკარგვას.
• 4. ცდილობს აგიხსნათ, რატომ მოიქცა ასე, რატომ გატკინათ გული - გამუდმებით გწერთ, გირეკავთ და ცდილობს ყველაფერი აგიხსნათ. ეს მიუთითებს, რომ მისთვის ძალიან მნიშვნელოვანი ადამიანი ხართ, ვერ ეგუება თქვენ დაკარგვას და შერიგება სურს.

• 5. თუ საკუთარ თავზე ზრუნვას იწყებს, თუ გაჩვენებთ, როგორ ვითარდება მას შემდეგ, რაც დაგშორდათ - ამით სურს, რომ გაეჭვიანოთ, სურს თქვენი ყურადღება მიიპყროს; გაჩვენოთ, რომ საოცნებო ადამიანი დაკარგეთ.
• 6. თქვენთან დაშორების შემდეგ არავის ხვდება - დიდი ალბათობით, ასე იმიტომ იქცევა, რომ ისევ თქვენზე ფიქრობს, თქვენ უყვარხართ, ენატრებით და შერიგება უნდა.

• 7. თუ დაშორების შემდეგ ყოველდღე სხვადასხვა ადამიანთან დადის პაემანზე - ესეც კიდევ ერთი ინდიკატორია იმისა, რომ ვერ გივიწყებთ. ის არ ცდილობს ხანგრძლივი ურთიერთობის წამოწყებას.
• 8. სოციალურ ქსელებში არც ერთ თქვენს პოსტს უყურადღებოდ არ ტოვებს - თუ ყოფილი შეყვარებული ყველა პოსტს, ფოტოს გიწონებთ, კომენტარებს გიწერთ, ეს იმას ნიშნავს, რომ თქვენ მიმართ ისევ გრძნობები აქვს. ასე რომ არ იყოს, თქვენს ანგარიშებს სოციალურ ქსელში ყურადღებასაც არ მიაქცევდა, ახლა კი ჩასაფრებულია და ცდილობს, არაფერი გამოეპაროს.

• 9. ის კვლავ ინარჩუნებს ურთიერთობას თქვენს მეგობრებთან - თუ დაშორების შემდეგ ისევ აქტიური კომუნიკაცია აქვს თქვენს მეგობრებთან, ამით ცდილობს, თქვენთან სიახლოვე შეინარჩუნოს და ყველაფერი იცოდეს თქვენ შესახებ, რადგანაც ისევ უყვარხართ.
• 10. ის მზად არის ნებისმიერ დროს დაგეხმაროთ - თუ ყოფილი შეყვარებული თქვენ გვერდით ჩნდება, როცა პრობლემები გაქვთ და მზად არის დაგეხმაროთ ნებისმიერ სიტუაციაში, გვერდით დაგიდგეთ, მას მართლაც ძალიან უყვარხართ და შერიგება სურს.