ვერძი
მარტოხელებისთვის: თავადაც გაოცებული დარჩებით, იმდენ მამაკაცს მოუნდება თქვენთან რომანტიკული ურთიერთობის დაწყება. მთელ თვეს არჩევანში გაატარებთ. ბოლოს, როცა დაიღლებით, საკუთარი თავის გაუმჯობესებაზე - გარეგან და შინაგან - იზრუნებთ.
რჩევა: ჯერ საკუთარ თავში ჩამოყალიბდით და მერე გაირკვევა, როგორი მამაკაცი გსურთ გვერდით.
დაწყვილებულებისთვის: ცეცხლოვანი ხართ და ყველამ იცის, მაგრამ ზომიერება არ გაწყენდათ. საყვარელ ადამიანზე ნუ იყრით ჯავრს, თუ თავად ცუდ ხასიათზე ხართ. ერთხელ შეიძლება მასაც უმტყუნოს ნერვებმა.
რჩევა: მეტად გამოავლინეთ სირბილე, ქალურობა, სინაზე. თქვენი პარტნიორი სიხარულით გადაირევა, ისე გაუხარდება.
კურო
მარტოხელებისთვის: ფორტუნა წლის ბოლოს რომანტიკულ შეხვედრას გაჩუქებთ. ეს არ იქნება თეთრ რაშზე ამხედრებული პრინცი. ეს იქნება თავზეხელაღებული ავანტიურისტი სპორტული ავტომობილით. საინტერესო და მხიარული დროსტარება გელით.
რჩევა: ნუ მალავთ საკუთარ გრძნობებს. რაც უფრო ემოციური და ენერგიული იქნებით, მით უკეთესია.
დაწყვილებულებისთვის: პირველ ადგილს სამსახურის საქმეები დაიკავებს. საყვარელი ადამიანი კი გეხმარებათ და ბედნიერია თქვენი გამარჯვებებით. საახალწლო დღესასწაულისა და სამზადისისთვის მაინც გამონახეთ დრო.
რჩევა: "ახალ წელს როგორც შეხვდები, ისე გაატარებ მთელ წელს" გახსოვთ? დაფიქრდით, რა უფრო მნიშვნელოვანია თქვენთვის - ოჯახი თუ სამსახური?..
ტყუპი
მარტოხელებისთვის: სიმშვიდე პირად ფრონტზე გაძლევთ დროს, რომ დაფიქრდეთ, გააანალიზოთ შეცდომები, გაერკვეთ, რას ელოდებით ურთიერთობისგან. სასიყვარულო წარმატება ცოტა მოგვიანებით მოვა, ახლა კი მთავარ საქმეებზე კონცენტრირდით. სხვათა შორის, რეალური პერსპექტივები გადაგეშალათ.
რჩევა: გამონახეთ დრო სახლში სიმყუდროვის შესაქმნელად. მოიწყვეთ ზამთრის ზღაპარი: თბილი პლედით, ლამაზი წინდებით, სათლებით.
დაწყვილებულებისთვის: პასიური ხართ, რადგან იცით, რომ პარტნიორი სასიყვარულო სფეროს გაგილამაზებთ. ყველაზე თანახმა ხართ. მთავარია, კამათი არ გამოიწვიოთ.
რჩევა: სულიერი სიმშვიდე ახლა თქვენთვის ჰაერივით აუცილებელია. არაფრის არც შეცვლა გსურთ და არც სურვილი გაქვთ.
კირჩხიბი
მარტოხელებისთვის: დეჟავუს შეგრძნება გექნებათ, თქვენი ცხოვრების რაღაც ეპიზოდები გამეორდება. შანსი მოგეცემათ, გამოასწოროთ წარსულში დაშვებული შეცდომები. თუ კონკრეტულ ადამიანთან არ გამოგდით ურთიერთობის დარეგულირება, რაღაც ახალ მეთოდს უნდა მიმართოთ.
რჩევა: რომანტიკული ურთიერთობა დროის გადასაყოლებელი უფრო იქნება, ვიდრე სერიოზული კავშირი.
დაწყვილებულებისთვის: საყვარელ ადამიანთან მშვიდად მოაგვარეთ უსიამოვნებები. იყავით მის მიმართ მეტად მზრუნველი, მოსიყვარულე. სიყვარული ყველა დაბრკოლებას გადაგალახვინებთ.
რჩევა: მოაწყვეთ ოჯახური დღესასწაული. თუნდაც რომანტიკული. იზრუნეთ ურთიერთობის გამყარებაზე.
ლომი
მარტოხელებისთვის: სოციალურ ქსელებში აქტიურობა სასიამოვნო ნაცნობობამდე მიგიყვანთ. შეიძლება ერთდროულად რამდენიმე ინტერნეტრომანიც კი გააბათ. ერთს ლამაზი თვალები აქვს, მეორეს - საინტერესო ჰობი, მესამე რომანტიკულ ლექსებს გიწერთ.
რჩევა: გახსოვთ ანდაზა ორი კურდღლის მადევარზე? ასე არ გამოგივიდეთ, დროზე გაერკვიეთ გრძნობებში.
დაწყვილებულებისთვის: პრაქტიკულობა და დიასახლისობა უნდა გამოავლინოთ. თქვენი სახლი თქვენი სასახლეა, რომელიც შიგნიდან უნდა მორთოთ და გაათბოთ. აქტიურად ჩართეთ ბინის გალამაზებასა და დიზაინის არჩევაში თქვენი საყვარელი მამაკაცი.
რჩევა: სახლის გალამაზება კი რომანტიკული ვახშმით აღნიშნეთ. სანთლები არ დაგავიწყდეთ.
ქალწული
მარტოხელებისთვის: ახალ წლამდე შეხვდებით ადამიანს, რომელიც ერთი ნახვით მოგხიბლავთ. მასში თავმოყრილი იქნება ყველა ის თვისება, რასაც მამაკაცში აფასებთ.
რჩევა: არაფერი გაქვთ დასაფიქრებელი, მხოლოდ პოზიტივზე იყავით ორიენტირებული.
დაწყვილებულებისთვის: თუ გრძნობთ, რომ ურთიერთობაში რომანტიკამ იკლო, თავად იზრუნეთ ურთიერთობის გამრავალფეროვნებაზე. რომანტიკული მხოლოდ ვახშამი კი არა, საუზმეც შეიძლება იყოს.
რჩევა: საყვარელ ადამიანს სადღესასწაულოდ საჩუქარი მოუმზადეთ.
სასწორი
მარტოხელებისთვის: რომანტიკული შესაძლებლობების თვე დაგიდგათ. რა გიშლით ხელს, რომ სასიამოვნო მეწყვილე აირჩიოთ?..
რჩევა: თუ ერთთან არ გამოგივათ, მეორე არსებობს, მესამე, ორმოცდამეერთეც... რაც უფრო მეტ მამაკაცს გაიცნობთ, ურთიერთობის სტრატეგიას სწრაფად აითვისებთ და სასურველსაც მიაგნებთ.
დაწყვილებულებისთვის: მეუღლემ შეიძლება ეგოიზმში დაგადანაშაულოთ. მართალია, საკუთარი თავი და მოთხოვნები მუდამ პირველ ადგილზე უნდა დააყენოთ, მამაკაცმა კი სურვილები უნდა აგისრულოთ.
რჩევა: თქვენი ძალა თქვენს სისუსტეშია. თუ გონივრულად ისარგებლებთ, იმას მიიღებთ, რაც გსურთ. მამაკაცს მოსწონს, როცა თავის ქალს ასიამოვნებს, მისთვის რაინდია.
მორიელი
მარტოხელებისთვის: ზამთრის მოსვლა თუ ადრე მოწყენილობასთან ასოცირდებოდა, ახლა მხიარულებით შეიცვლება. პირადი ცხოვრება უამრავ სიურპრიზს გიმზადებთ. მთავარია, არ იზარმაცოთ.
რჩევა: არ გამოაკლდეთ წვეულებებს, შეხვედრებს, მხიარულებას. თუ ვინმეს მოუნდება თქვენი გაცნობა, უარი არ უთხრათ.
დაწყვილებულებისთვის: თუ საყვარელი ადამიანი ამინდივით ცივია, კონტროლს და ეჭვიანობას ნუ დაიწყებთ. ბოლო დროს ცოტა დროს უთმობთ და მისი რეაქციაც ნუ გიკვირთ.
რჩევა: მოეფერეთ, გაიხსენეთ გაცნობის პერიოდი და აუცილებლად გათბება.
მშვილდოსანი
მარტოხელებისთვის: სანამ თავად არ გადადგამთ მნიშვნელოვან ნაბიჯს, თქვენი პირადი ცხოვრება არ შეიცვლება. ნუ ელოდებით მამაკაცისგან აქტიურობას, თავად იაქტიურეთ.
რჩევა: გაეცანით თქვენთვის საინტერესო ადამიანებს, თამამად გამოხატეთ გრძნობები, გამოავლინეთ სადმე წასვლის ინიციატივა.
დაწყვილებულებისთვის: წლის ბოლო ყველა საქმის მოგვარებას საკუთარ თავზე ნუ აიღებთ, კოლეგებსაც გადაუნაწილეთ. წინააღმდეგ შემთხვევაში საყვარელი ადამიანი უკმაყოფილო იქნება თქვენი არარსებობით.
რჩევა: სამსახურის საქმეებს ვერ ჩაეხუტებით ძილის წინ და ვერც უფროსი მოგიწესრიგებთ საოჯახო საქმეებს.
თხის რქა
მარტოხელებისთვის: როგორც წესი, ფრთხილი ხართ და გააზრებულად ირჩევთ პარტნიორებს. მაგრამ ახლა სიყვარულის გამო სიგიჟეების გაკეთება მოგინდებათ.
რჩევა: შიშები და ეჭვები მოიცილეთ, იყავით მზად ბედნიერებისთვის.
დაწყვილებულებისთვის: ცვლილებების დროა. შეიცვალეთ სუნამო, ჩაცმის სტილი. გააკვირვეთ საყვარელი ადამიანი თქვენი სიახლით.
რჩევა: გამონახეთ საოჯახო საქმე, რომელშიც ერთად ჩაერთვებით. ის კიდევ უფრო დაგაახლოებთ და რომანტიკულს გახდის თქვენს ურთიერთობას.
მერწყული
მარტოხელებისთვის: გარშემო იმდენი საინტერესო რამ ხდება... სიყვარულის ფლუიდებს ავრცელებთ და განსხვავებულ ადამიანებს იზიდავთ. უამრავ ადამიანს დაუბნევთ ჭკუა-გონებას, მაგრამ ეცადეთ, თავად არ დაკარგოთ თავი.
რჩევა: თუ შეხვდებით მამაკაცს, რომელსაც უსიტყვოდ ესმის თქვენი, სხვები გაცხრილეთ.
დაწყვილებულებისთვის: გაამხნევეთ თქვენი საყვარელი ადამიანი, რომელსაც დროებითი უსიამოვნები შეექმნა. გაუხალისეთ ყოველდღიურობა, მას თქვენი მხარდაჭერა ძალიან სჭირდება.
რჩევა: არ გადაამეტოთ, ძალიან მზრუნველი დედიკოს როლი არ მოგიხდებათ.
თევზები
მარტოხელებისთვის: მიუხედავად იმისა, რომ სამსახურის საქმეებზე ხართ ორიენტირებული, სასიყვარულო თავგადასავლებში მაინც აღმოჩნდებით. ზოგიერთი ინტერნეტრომანს გააბამთ.
რჩევა: ინტუიციაზე დაყრდნობით იმოქმედეთ. ის გიკარნახებთ, ვინ უნდა აირჩიოთ მეწყვილედ. სხვათა შორის, სამსახურის საქმეებშიც ინტუიციას მოუხმეთ.
დაწყვილებულებისთვის: ცხოვრება სასიამოვნო სიურპრიზებით განებივრებთ. შეიძლება თქვენმა საყვარელი მამაკაცმა ცოტა იეჭვიანოს, ცოტა წაკინკლავდეთ, მაგრამ მთლიანობაში წყვილში ურთიერთგაგება და რომანტიკა სუფევს.
რჩევა: სადღესასწაულოდ ტკბილეულსა და საჩუქრებში იმდენი ფული არ დახარჯოთ, რომ მერე ვალებში გადავარდეთ.
<div> <div class="gtx-trans-icon"></div>
</div>