სულ ცოტა ხნის წინ ტელეწამყვანმა გიორგი გასვიანმა და მისმა მეუღლემ, მარიტა მელიქიშვილმა, საზოგადოებას სასიმოვნო სიახლე გაუზიარეს და თქვეს, რომ მალე პირველი შვილის მშობლები გახდებიან. ამ ამბავს სოციალურ ქსელში დიდი გამოხმაურება მოჰყვა და წყვილმა უამრავი მილოცვა მიიღო.
ამჯერად გიორგი გასვიანი ორსული მეუღლის ვიდეოს აქვეყნებს: „ალბათ, ყოველდღე ადამიანმა უნდა წარმოთქვას სამადლობელი სიტყვები ღმერთის მიმართ, რომელიც მას ჩუქნის ყოველ ახალ დღეს, მზის სხივს, ჟანგბადს, სილამაზეს, საყვარელ ადამიანებს, საყვარელ ცხოველებს, საყვარელ საქმეს, სიკეთის კეთების უნარს და ბედნიერ შეგრძნებებს დღის მანძილზე. ყველას პოზიტიურ და სასიხარულო ენერგიას გისურვებთ“ - წერს გიორგი გასვიანი.