ვიცი, რომ ძალიან გტკივათ... მინდა, მთელი გულით მხარი დაგიჭიროთ“ - ირაკლი მაქაცარია პოლონეთში უკრაინის დასახმარებლად გაემგზავრა - Marao

ტელეწამყვანი ირაკლი მაქაცარია სოციალურ ქსელში ფოტოებს პოლონეთიდან აქვეყნებს. მაქაცარია და ნოე სულაბერიძე უკრაინელებს სხვადასხვა ჰუმანიტარული დახმარებით უზრუნველყოფენ. ამასთან, აქვთ სპეციალურად უკრაინელებისთვის შექმნილი საქველმოქმედო ფონდიც.

“მე მჯერა ყოველთვის სიკეთის კეთების ხიბლის, მაგრამ ეს განსაკუთრებით მნიშვნელოვანია თითოეული ადამიანისთვის, რომელსაც დახმარება სჭირდება. უკრაინა და მისი ხალხი ახლა გადის ურთულეს პერიოდს ბოლო ათწლეულების განმავლობაში. უკრაინამ მაგრძნობინა ბევრი სიკეთე და სიყვარული! და ისე, როგორც არასდროს, ახლა მინდა მთელი გულით მხარი დაგიჭიროთ. ვიცი, რომ ძალიან გტკივათ... მიხარია, რომ ქართველმა ხალხმა დიდი ენთუზიაზმით ჩაიტანა გულში ეს დიდი ტრაგედია და ძალიან მოკლე დროში მათ შეძლეს თანხების და ჰუმანიტარული დახმარების მოძიება ჩვენი უკრაინელი ძმებისთვის. ასევე, ასეთ მომენტებში უბრალოდ ძალიან მნიშვნელოვანია ხალხთან ფიზიკურად ახლოს ყოფნა. მინდა გულით მადლობა გადავუხადო პოლონეთს მხარდაჭერისა და მზრუნველობისთვის, რომელსაც ახლა ავლენენ. ჩვენ შევხვდით ქალაქ პრზემილის მერს და პოლიციის უფროსს და გაოგნებულები დავრჩით, როგორ მიაქვთ მათ გულთან ახლოს ყველა უკრაინელის ტკივილი. დარწმუნებული ვარ, ღვთის შეწევნით, ეს კოშმარი მალე დასრულდება და შემდეგ ყველა ერთად ავაშენებთ უძლიერეს და ულამაზეს ქვეყანას!“ - წერს მაქაცარია.