„14 დღეში დავიკელი, რაც სამი თვის განმავლობაში მოვიმატე“ - როგორ დაიკლო ნუცა ბუზალაძემ ორ კვირაში 7 კილოგრამი - Marao

მომღერალი ნუცა ბუზალაძე სოციალურ ქსელში აქტიურობით გამოირჩევა. ის გამომწერებს ხშირად უზიარებს საკუთარ ყოველდღიურობას და სასარგებლო რჩევებსაც აძლევს. როგორც მან აღნიშნა, ამერიკაში ყოფნის დროს სამ თვეში 7 კილოგრამი მოიმატა, თუმცა ზედმეტი წონის დაკლება მალევე შეძლო: „ამერიკაში 7 კილო მოვიმატე, მაგრამ ისე ვიცვამდი, რომ არ მეტყობოდა. ახლა მკაცრი დიეტა დავიცავი და დავიკელი იმიტომ, რომ ხასიათსა და ენერგიაზე ძალიან მოქმედებდა. 14 დღის განმავლობაში არ ვჭამე არაფერი, მხოლოდ სითხე და იოგურტები“ - დაწერა ნუცა ბუზალაძემ.

ნუცა ბუზალაძე დროის დიდ ნაწილს დუბაისა და ლოს-ანჯელესში ატარებს. როგორც მომღერალმა განმარტა, საქართველოში აპრილში სულ რამდენიმე დღით დაბრუნდება.