„იმედი მაქვს, რომ წელს ლეღვის ფოთლების ნახარშით დამწვრობის შემთხვევა აღარ იქნება” - გუგა ქაშიბაძე - Marao

ხეჩინაშვილის სახელობის საუნივერსიტეტო კლინიკის დამწვრობის ცენტრის ხელმძღვანელი გუგა ქაშიბაძე, ზაფხულის მოახლოებასთან ერთად, სულ უფრო ხშირად ჩნდება ტელეეკრანზე.

„ძალიან დიდი იმედი გვაქვს, რომ წელს ლეღვის ფოთლების ნახარშით დამწვრობის შემთხვევა აღარ იქნება”, – ამის შესახებ დამწვრობის ცენტრის ხელმძღვანელმა გუგა ქაშიბაძემ “იმედის” ეთერში განაცხადა.

ექიმმა რუჯის მიღებისთვის გავრცელებულ საშიშ მეთოდზე ისაუბრა.

“ლეღვის ფოთლების ნახარში და რუჯი ერთმანეთთან საერთოდ არ არის კავშირში. მინდა ხაზი გავუსვა, რომ ამ ნახარშის გამოყენება და დამწვრობის მიღება ერთი და იგივეა. რუჯის ეფექტს ვერანაირად ვერ მივიღებთ“, – აღნიშნა დამწვრობის ცენტრის ხელმძღვანელმა.