დიეტაზე ყოფნისას გვინდა შედეგი რაც შეიძლება მალე დავინახოთ. სამწუხაროდ, წონის დაკლება თანდათანობით ხდება და ერთი სირბილი არ გამოიწვევს მყისიერ შედეგს. ამიტომაც მთავარია მიჰყვეთ ძირითად ნაბიჯებს:
1. დაგეგმეთ თქვენი დიეტა
რაც უფრო ნაადრევად დაგეგმავთ თქვენი დღის მენიუს, მით ნაკლებია ალბათობა იმისა, რომ მიმართოთ სამსახურთან ყველაზე ახლოს მდებარე სწრაფი კვების პროდუქტს. შეეცადეთ გამოყოთ კვირა დღე სასურსათო საყიდლებისთვის და ჯანსაღი კერძების მოსამზადებლად. ზოგიერთი მათგანის გაყინვა შესაძლებელია ნაწილებად დაყოფით და ყუთებში მოთავსებით, რის შედეგადაც დილით სამსახურში შეგიძლიათ წაიღოთ მზა ლანჩი.
2. მიირთვით საუზმე
საუზმე დღის ყველაზე მნიშვნელოვანი კვების ნაწილია. მასზეა დამოკიდებული განწყობა, ენერგია და მადა მთელი დღის განმავლობაში. მარცვლეული, ცილები, ჯანსაღი ცხიმები გაღვიძების შემდეგ დაგეხმარებათ თავიდან აიცილოთ ”მგლის მადა“ შუადღისთვის.
3. დალიეთ ბევრი წყალი
წყლის საჭირო რაოდენობა ორგანიზმს უმაღლეს დონეზე უნარჩუნებს ფუნქციონირებას, განსაკუთრებით, თუ გონივრულად სვამთ: ჭამამდე ნახევარი საათით ადრე ჭიქა წყლის დალევა დაგეხმარებათ ნაკლებ ჭამაში, ჭიქა წყალი ჭამიდან 45 წუთის შემდეგ გააუმჯობესებს ნივთიერებათა ცვლას. მაგრამ ჭამის დროს დალევა შლის კუჭის წვენს და მხოლოდ ანელებს საჭმლის მონელებას.
4. შეამცირეთ მარილი
მარილი შაქარი არ არის და, რა თქმა უნდა, არ გვასუქებს. თუმცა სწორედ მასში შემავალი ნატრიუმი იწვევს ორგანიზმში სითხის შეკავებას. მისგან თავის დასაღწევად შეამცირეთ მარილის მიღება. არ დაგავიწყდეთ, რომ „თეთრი სიკვდილი“ კონსერვების, სოუსების, ყველის ნაწილია (უფრო მეტიც, რაც უფრო დაბალია მათში ცხიმის პროცენტი, მით მეტია მარილი). რესტორნებში სთხოვეთ ოფიციანტს, არ მოაყაროს კერძებს მარილი, შეგიძლიათ ეს თავად გააკეთოთ ან საერთოდ არ გააკეთოთ. თუ ჩვევა გძალავთ, აირჩიეთ ნატრიუმის დაბალი შემცველობის კერძები.
5. მეტი იმოძრავეთ
მანქანა/მეტრო, კომპიუტერი, კინო, კაფე, ტრანსპორტი, ძილი - გამოდის, რომ დღის უმეტეს ნაწილს სიზარმაცეში ვატარებთ. სპორტდარბაზი, სეირნობა, მცირე ვარჯიშები - გამოიყენეთ ყველა შესაძლებლობა გადაადგილებისთვის. სმარტფონებისთვის განკუთვნილი აპლიკაცია ან მაჯის საათი დაგეხმარებათ სიტუაციის კონტროლში. ის დაუყოვნებლივ აჩვენებს, დადიხართ თუ არა საჭირო 10 000 ნაბიჯს დღეში. რეალური ციფრების დანახვისას, ალბათ, მოგინდებათ შედეგის გაუმჯობესება.
6. ვარჯიში
არ აქვს მნიშვნელობა, რას აკეთებ, უბრალოდ გააკეთე. დღეში თხუთმეტი წუთი აქტიური ვარჯიში, იქნება ეს სირბილი, თოკზე ხტომა, ველოსიპედით სიარული თუ თავისუფალი სტილით ცეკვა, ხელს უწყობს თქვენი ფიგურის ფორმის შენარჩუნებას.
7. დალიეთ ყავა
უჩვეულოდ ჟღერს, არა? მაგრამ ყავა, უფრო სწორად, დეკოფი უცხიმო რძით, არის დესერტის სრული შემცვლელი და სიამოვნების წყარო ჯანმრთელობისთვის, ყოველგვარი ზიანის მიყენების გარეშე.