"როცა ლიონში გაიგებდნენ, რომ ქართველი ვარ, მაშინვე სიყვარულითა და პატივისცემით იხსენებდნენ იქ მცხოვრებ და მომუშავე ქართველებს" - ნინო კასრაძე ევროპულ ცხოვრებას იხსენებს - Marao

მსახიობმა ნინო კასრაძემ OK magazine-თან ინტერვიუში განვლილი ცხოვრებისა და ევროპის შესახებ ისაუბრა:

„ჩემი შვილი, როგორც კი ევროპაში ჩავა, იტყვის ხოლმე, ჩაირთო თვითგადარჩენის რეჟიმიო. მსიამოვნებს, ასე რომ ამბობს. მე ვხედავ, რომ როგორც კი ქართველების დიდი ნაწილი ამ დალაგებულ, სტრუქტუირებულ სამყაროში მოხვდება, ათიდან ცხრა მათგანი წარმატებას აღწევს. ქართველს ძალიან კარგად გამოსდის საკუთარი ნიჭისა და შესაძლებლობების რეალიზება. არაერთი შემთხვევა მახსოვს – როცა ლიონში გაიგებდნენ, რომ ქართველი ვარ, მაშინვე სიყვარულითა და პატივისცემით იხსენებდნენ იქ მცხოვრებ და მომუშავე ქართველებს, რაც ჩემთვის ძალიან სასიამოვნო იყო.

ისეთი განცდა მაქვს, რომ ევროპაში ჩამოსულ ქართველებს ნიჭისა და შესაძლებლობების გამოვლენის გზა ეხსნებათ, რომელსაც კარგად იყენებენ. ეს არის ჩვენი ევროპელობა. როგორც კი განათლებასთან, პროგრესულ სისტემასთან აქვს წვდომა ქართველს, დადებით თვისებებს, რესურსებს ბოლომდე ავლენს“ - თქვა ნინომ.