„ის, რომ პირადშიც და კარიერაშიც წარმატებული ვარ, ძალიან დიდი დამსახურებაა ჩემი მეუღლის, რომელიც არანორმალური მოთმინების მქონე ადამიანია“ - თათული ედიშერაშვილი - Marao

ყველასთვის კარგად ნაცნობი და საყვარელი მსახიობი თათული ედიშერაშვილი პირადი ცხოვრებისა და კარიერის შესახებ ჟურნალ „სარკესთან“ საუბრობს. მან თქვა, რომ თავს ბედნიერად გრძნობს, თუმცა ეს არ ნიშნავს, რომ ცხოვრებაში სირთულეები არ ხვდება: „როდესაც პრობლემებია კარიერაში ან გარკვეული დრამები – პირად ცხოვრებაში, ვცდილობ, არ გავბოროტდე“, - ამბობს თათული.

„ის, რომ პირადშიც და კარიერაშიც წარმატებული ვარ, ძალიან დიდი დამსახურებაა ჩემი მეუღლის, რომელიც არანორმალური მოთმინების მქონე ადამიანია. მას ძალიან კარგად შეუძლია გაიგოს ის, რომ ერთი თვის განმავლობაში დილის ექვსზე ვბრუნდებოდე გადაღებიდან სახლში. არასდროს დამისვამს კითხვებს ჩემს საქმიანობასთან დაკავშირებით. მიუხედავად იმისა, რომ არ არის ჩემს პროფესიაში ჩართული და სხვა საქმეს აკეთებს, აბსოლუტურად ესმის ჩემი სამუშაო რეჟიმის. ერთხელაც არ შეუქმნია ჩემთვის დისკომფორტი და ყოველთვის ვგრძნობ, რომ ჩემი დიდი გულშემატკივარია. ეს ძალიან დიდ ძალას და თავდაჯერებულობას მაძლევს ჩემს პროფესიაში…“ - აღნიშნა მან.