„არაერთი ემიგრანტი მწერს, რომ სიამაყის გრძნობა დაუბრუნდათ და ხმამაღლა ამბობენ საკუთარი მრავალჭირნახული ქვეყნის სახელს” - რას წერს გიორგი კეკელიძე ხვიჩა კვარაცხელიაზე - Marao
„არაერთი ემიგრანტი მწერს, რომ სიამაყის გრძნობა დაუბრუნდათ და ხმამაღლა ამბობენ საკუთარი მრავალჭირნახული ქვეყნის სახელს” - რას წერს გიორგი კეკელიძე ხვიჩა კვარაცხელიაზე
საქართველოს ეროვნული ბიბლიოთეკის დირექტორი გიორგი კეკელიძე „ნაპოლის“ ფეხბურთელ ხვიჩა კვარაცხელიასთან დაკავშირებით პოსტს აქვეყნებს სოციალურ ქსელში.
„კვარაცხელიას ფენომენმა იოლად შეგვახსენა, რომ საფეხბურთო ქვეყანა ვართ. მანამდეც ვიყავით, განა არა, უბრალოდ მივიწყებული გვქონდა და თითქოს მოლოდინიც გამცვდარი.
ხვიჩას გამოჩენა მხოლოდ საფეხბურთო საშველი როდია – არაერთი ემიგრანტი მწერს, რომ სიამაყის გრძნობა დაუბრუნდათ და ხმამაღლა ამბობენ საკუთარი, მრავალჭირნახული ქვეყნის სახელს. მინდა დიდი წარმატება და სტაბილური კაშკაში ვუსურვო. ძნელი საქმეა, მაგრამ მიიღწევა, თუ შრომა და ნებისყოფა იქნება“, – წერს გიორგი კეკელიძე.
