„ჩემი საყვარელი მომენტია, ლოპოტაზე რომ კაი გოგოებს დაინახავს ბარში და კვანწვით შედის ვისკის შესაკვეთად... ძვირფასი კაცია“ - ნათია ფანჯიკიძე მეუღლეს დაბადების დღეს ულოცავს - Marao

ნათია ფანჯიკიძე "ფეისბუქის" პირად გვერდზე ვრცელ პოსტს აქვეყნებს და მეუღლეს, ირაკლი ალასანიას, დაბადების დღეს ულოცავს.

„კოვბოის დაბადების დღეა. ერთ-ერთი ჩემი საყვარელი მომენტია, ლოპოტაზე რომ კაი გოგოებს დაინახავს ბარში და კვანწვით შედის ვისკის შესაკვეთად და უცაბედად, მოწმენდილ ცაზე, მანამდე უხილავი კუნჭულიდან გამოენთება ჩემი დაქალის ბაღანა ვატო სიხარულის ყიჟინით - “ირაკლი ბაბუა!” და შეახტება კისერზე. “ბაბუკა!” ეჭვიანი თინაც არ დააყოვნებს და ჩამოეკონწიალება და ყლუპ, უცებ რომ გადაკრავს ბოვშებასხმული და ბედს დამორჩილებული ჩივას ას გრამს. სერიოზულად კი, ძვირფასი კაცია, გინა ბიჭი. იყოს კიდევ ასი წელი.“ - წერს ნათია ფანჯიკიძე სოციალური ქსელში.