"ძიძა არ მყავს, 2-3 საათით მძინავს, ცივ საჭმელსაც ვჭამ, მაგრამ არაფერია იმაზე ძვირფასი, როცა ვიცი, რომ ჩემს შვილს ვჭირდები" - მარიტა მელიქიშვილი დედობის სირთულეების შესახებ - Marao
"ძიძა არ მყავს, 2-3 საათით მძინავს, ცივ საჭმელსაც ვჭამ, მაგრამ არაფერია იმაზე ძვირფასი, როცა ვიცი, რომ ჩემს შვილს ვჭირდები" - მარიტა მელიქიშვილი დედობის სირთულეების შესახებ
გიორგი გასვიანისა და მარიტა მელიქიშვილის წყვილს საზოგადოება კარგად იცნობს. მათი ოჯახი და განსაკუთრებით კი პატარა გალა ყოველთვის დიდ სითბოსა და სიყვარულს იმსახურებს. ამჯერად მარიტა მელიქიშვილი სოციალურ ქსელში სწორედ დედობისა და დედაშვილობის სირთულეებზე წერს:
"როგორც სწავლაზეა ნათქვამი, "სწავლის ძირი მწარე არის, კენწეროში გატკბილდებისო", ზუსტად ასე მიმაჩნია დედაშვილურ ურთიერთობაზეც. ძალიან რთულია, როცა ერთ დღეს ხვდები, რომ საკუთარი თავი მთლიანად დაკარგე და შენი გაღვიძება/დაძინება/მოწესრიგება პატარა ადამიანის რეჟიმზე გადართე, მაგრამ როცა იაზრებ, რომ შენში ჩასახული შენივე შვილი მოავლინე და ეს მარტომ შეძელი, რომ გაიზრდება და უდიდესი ზურგი გეყოლება მისი სახით, მერე ყველა ტკივილი გავიწყდება!
1 წლის არის, ძიძა არ მყავს. აბაზანაში შესული არ ვარ, რომ სველი უკან გამოვრბივარ; მაკიაჟს ცალი ხელით ვიკეთებ, მხოლოდ 2-3 საათით მძინავს და ცივ საჭმელსაც ვჭამ, მაგრამ ჩემთვის იმ გრძნობაზე ძვირფასი, რომ ჩემს შვილს ვჭირდები და ჩემთან უნდა, არაფერია!
რამდენი ხანიც უნდა გაგრძელდეს ეს პერიოდი, უნდა იცოდე, რომ შენ გააჩინე ადამიანი, რომელსაც ცხოვრების ბოლომდე უპირობოდ ეყვარები და სწორედ სიყვარულია ის გრძნობა, რაც გაგაძლიერებს და გაგაძლებინებს ნებისმიერ რთულ ვითარებაში" - წერს მარიტა მელიქიშვილი.
