"ჩემი მუზა და შთაგონების წყარო" - კარლო პონტი საყვარელ ქალთან, მარიამ შარმანაშვილთან ერთად გადაღებულ ფოტოებს აქვეყნებს - Marao

სოფი ლორენის ქართველი სარძლოს შესახებ ინფორმაცია პირველად ქართულ მედიაში გავრცელდა. ცნობილი დირიჟორის, 54 წლის კარლო პონტისა და ზუმბას მოცეკვავის, ფიტნესინსტრუქტორის, მარიამ შარმანაშვილის შესახებ უამრავი სტატია დაიწერა.

აღმოჩნდა, რომ წყვილის სიყვარულის ისტორია თითქმის 2 წელს ითვლის. რომანი 2021 წლის 14 მარტს მარიამის ფოტოზე მიწერილი კომპლიმენტით დაიწყო.

კარლო პონტი საქართველოს პირველად ქართველი მეცო-სოპრანოს, ნინო სურგულაძის მოწვევით ესტუმრა. მაშინ ჯერ კიდევ არ იცოდა, რომ მოგვიანებით უცხო ქვეყანაში საყვარელ ქალს იპოვიდა და ხშირად მოუწევდა ჩამოსვლა.

ამჯერად კარლო პონტი მარიამთან ერთად გადაღებულ ფოტოს აქვეყნებს და წერს, რომ საყვარელი ქალი მისთვის მუზა და შთაგონების წყაროა.