რომელი ცილოვანი საკვები დააჩქარებს თქვენს მეტაბოლიზმს და დაგეხმარებათ წონის კლებაში - ის, რაც აუცილებლად უნდა იცოდეთ - Marao
რომელი ცილოვანი საკვები დააჩქარებს თქვენს მეტაბოლიზმს და დაგეხმარებათ წონის კლებაში - ის, რაც აუცილებლად უნდა იცოდეთ
ცილოვანი საკვების გარეშე ვერცერთი ადამიანის ორგანიზმი ვერ იფუნქციონირებს. ამასთანავე, ცილოვანი პროდუქტები აჩქარებს მეტაბოლიზმს. ეს არა მხოლოდ ჯანმრთელობისთვისაა სასარგებლო, არამედ ეხმარება ადამიანს ზედმეტი კილოგრამების დაკლებაში. წონის კლებისთვის თქვენ უნდა აკონტროლოთ დიეტა და ჩართოთ სპორტი თქვენს ყოველდღიურ რუტინაში. არავის მოუგონია წონის დაკლების უკეთესი ფორმულა, გარდა კალორიული დეფიციტის დაცვისა. თქვენ უნდა მოიხმაროთ იმაზე ნაკლები, ვიდრე ხარჯავთ. მაგრამ ზედმეტი არ იქნება მეტაბოლურ მაჩვენებელზე მუშაობა. რაც უფრო სწრაფია ნივთიერებათა ცვლა, მით უფრო მალე მიაღწევთ მიზანს. ზოგიერთი საკვები დაგეხმარებათ ამაში.
- კვერცხი შეიცავს დიდი რაოდენობით ცილას, კერძოდ, 12,7 გ-ს 100 გ პროდუქტზე. კვერცხის წყალობით, დიდხანს იგრძნობთ თავს სავსედ და ეს გასაკვირი არ არის, რადგან კვერცხი იდეალურად დაბალანსებული მაკროელემენტია. მისი მომზადება სხვადასხვა გზით შეგიძლიათ. მაგალითად, მოხარშოთ ან შეწვათ. რა თქმა უნდა, ეს უკანასკნელი ვარიანტი არ უნდა ურჩიოთ მათ, ვისაც წონის დაკლება სურს.
- კიდევ ერთი საუკეთესო ცილოვანი პროდუქტია ორაგული. დიდი რაოდენობით ცილის გარდა, ეს თევზი შეიცავს ჯანსაღ ცხიმებს და ომეგა 3-ის ცხიმოვან მჟავებს. თუმცა თქვენ არ გჭირდებათ ორაგულის ჭამა ყოველდღე. კარგი იქნება კვირაში რამდენჯერმე მიიღოთ.
- ვეგეტარიანელებს შეგვიძლია გირჩიოთ კიდევ ერთი კარგი ცილოვანი პროდუქტი, რომელიც აჩქარებს მეტაბოლიზმს. ეს არის ჩიას თესლი. თუმცა გახსოვდეთ, რომ ჩია შეიცავს ბევრად მეტ ცხიმს, ვიდრე ცილას. გარდა ამისა, თესლი შეიცავს ბოჭკოვან და ომეგა 3-ის ცხიმოვან მჟავებს.
- მცენარეული ცილის კიდევ ერთი შესანიშნავი წყაროა კანაფის თესლი. ამ პროდუქტის 100 გრ შეიცავს 35 გრ პროტეინს. ეს შესანიშნავი მაჩვენებელია, თუ კანაფს შეადარებთ სხვა თესლს. კანაფის თესლი შეიძლება დაუმატოთ აბსოლუტურად ყველა კერძს.
- შესაძლოა არავინ ფიქრობს მწვანილის სარგებლიანობაზე, თუმცა ის აჩქარებს ნივთიერებათა ცვლას და აუმჯობესებს საჭმლის მონელების პროცესს. გარდა ამისა, მწვანილი კალციუმის შესანიშნავი მცენარეული წყაროა.
