როგორ გავრეცხოთ ხელოვნური ბეწვი - რჩევები, რომლებიც აუცილებლად უნდა გაითვალისწინოთ. - Marao

შესაძლებელია თუ არა ეკობეწვის ქურთუკის გარეცხვა სარეცხ მანქანაში? - დიახ. ეს ხელოვნური ბეწვის ერთ-ერთი უპირატესობაა.

დასაწყისისთვის აუცილებელია, რომ ბეწვს მტვერი მოაშოროთ. უმჯობესია, თუ ამას გარეთ გააკეთებთ. ჩამოკიდეთ საკიდზე და ისე გაასუფთავეთ, როგორც მტვრიან ხალიჩას ასუფთავებთ ხოლმე.

• ჩადეთ სარეცხ მანქანაში და ჩართეთ აბრეშუმის/მატყლის რეჟიმზე.

• აუცილებლად გამორთეთ წურვის რეჟიმი. წინააღმდეგ შემთხვევაში ქურთუკი შეიძლება დაზიანდეს.

• რეცხვის დასრულების შემდეგ ქურთუკი საკიდზე ჩამოკიდეთ, რომ დაიწუროს.

ეკობეწვის მოვლის წესები

• არ შეინახოთ ბეწვის ქურთუკი დაკეცილი - ასე მას ნაკეცები გაუჩნდება და ბეწვიც დასცვივდება. უმჯობესია, პალტოს საკიდზე ჩამოკიდოთ და კარადაში მოათავსოთ.

• არასოდეს ჩადოთ სველი ბეწვის ქურთუკი კარადაში. ჯერ გაშრეს.

• ბეწვის ჩამოცვენის თავიდან ასაცილებლად პერიოდულად დავარცხნეთ ლითონის სავარცხლით.

• თუ ბეწვის ქურთუკი ძლიერ დაბინძურებულია, არ გამოიყენოთ ლაქების მოსაშორებელი საშუალება. რთულ შემთხვევებში უმჯობესია ქიმწმენდას მივმართოთ.