"მახინჯს და სულელს მეძახდნენ, სულ ვტიროდი, მეტი აღარ შემეძლო" - სელენა გომესის აღიარება სკანდალური ფოტოს შესახებ - Marao

30 წლის მომღერალმა და მსახიობმა პროვოკაციული ფოტო გამოაქვეყნა. დისნეის ყოფილი პრინცესა თავს არიდებს ფოტოსესიებს, რომლებიც მის პიროვნებას სექსუალურს და ობიექტურს ხდის, მაგრამ სოციალურ ქსელში ამისგან თავისუფალია.

„ერთხელ წავშალე, რადგან ვფიქრობდი, რომ ზედმეტად გამომწვევი იყო, მაგრამ მაინც, დიახ“, - თქვა გომესმა.

ჯასტინ ბიბერის ყოფილი შეყვარებულის თაყვანისმცემლები აღფრთოვანებული იყვნენ ამ ფოტოთი: „გთხოვ აღარ წაშალო“, „მადლობა ამ ფოტოებისთვის, ლამაზი ხარ, ყველაფერი ზომიერებაშია და სექსუალობა არ არის ვულგარული“, - წერენ ისინი კომენტარები.

The Wizards of Waverly Place-ის ვარსკვლავმა ახლახან Vanity Fair-ის ნომრის ყდა დაამშვენა. გოგონამ თქვა, რომ ის საშინელი დევნის ობიექტი გახდა ცნობილ მომღერალთან ურთიერთობის გაწყვეტის შემდეგ. ხოლო როდესაც ჯასტინმა ჰეილი ბოლდუინთან შეხვედრა დაიწყო, სელენას მუდმივად ადარებდნენ ტოპ-მოდელს.

„არასდროს მქონია შანსი, ნამდვილ საშუალო სკოლაში წავსულიყავი. სამყარო დიდი ხნის განმავლობაში ჩემი საშუალო სკოლა იყო და ყველაფერი ცხოვრებისგან ვისწავლე. დაშორების შემდეგ რთული პერიოდი გავიარე, არ მინდოდა რაიმე მიმოხილვის ნახვა და მით უმეტეს სხვასთან შედარება. იყო ათასობით მართლაც სასიამოვნო კომენტარი, მაგრამ ჩემი გონება მაშინვე მათგან ყველაზე საზიზღარზე მიდიოდა“ - ამბობს მომღერალი.

„ადამიანები მახინჯს და სულელს მეძახდნენ, სულ ვტიროდი. მუდმივი შფოთვა მქონდა და მეტი აღარ შემეძლო.“