“თითქმის გაყრის პირას ვიყავით, მაშინ ლევანმა მითხრა, რომ ორივეს მაგივრად შეძლებდა სიყვარულს…” - მანანა კოზაკოვა - Marao

რეჟისორ ლევან წულაძის მეუღლე, მსახიობი მანანა კოზაკოვა, ნანუკა ჟორჟოლიანის გადაცემის სტუმარი იყო და ოჯახის შესახებ ისაუბრა.

მანანა იხსენებს, რომ მან და ლევან წულაძემ დაქორწინება მოულოდნელად გადაწყვიტეს:

„უეცრად გადავწყვიტე და ვიფიქრე, რომ ეს ის არის. მეტროში ვისეირნეთ მე და ჭოლამ ერთი დღე. შემდეგ წავედით კინოში და სწორედ იქ მოვიფიქრე, რომ ის არის სწორი ადამიანი. ის, ვინც მინდოდა. ვფიქრობ, ჭოლა არის პატიოსანი, საოცრად დახვეწილი პიროვნება, რომელსაც აქვს ძალიან ბევრი თვისება და ჩემი აღფრთოვანება არ სრულდება, იმდენად ამოუწურავია. რამდენჯერმე ვცადე, მაგრამ ვერ ავყევი, იმდენად კარგი ადამიანია. მას აქვს დიდი სიკეთე და პატიოსნება.

კინოში ხუმრობით მითხრა: მოდი, შევქმნათ ჰარმონიული ოჯახი. თითქოს იხუმრა, მაგრამ ვიცოდი, რომ სხვა რამ იყო. მაშინვე თანხმობა ვუთხარი. გვქონია დაძაბული პერიოდი და თითქმის გაყრის პირასაც ვიყავით. ყველაზე რთულია, როდესაც კონფლიქტი წვრილმანების გამო ხდება. სერიოზულ რამეს შესაძლოა შეეგუო ან ვერ შეეგუო. მე გამოსავალს ვერ ვხედავდი და მაშინ ლევანმა მითხრა, რომ ორივეს მაგივრად შეძლებდა სიყვარულს. მივხვდი, რომ ამაზე მეტი ადამიანს არ შეუძლია. ლევანი ბევრად დიდია და მან იცის ასე მოქცევა”, – საუბრობს მანანა კოზაკოვა.