რეალური ამბავი, რომელიც აქამდე არ გსმენიათ - რა გახდა „ურჩხული და მზეთუნახავის“ შექმნის ინსპირაცია - Marao

წარმოიდგინეთ, დისნეის ანიმაციის ბოლოს ურჩხული პრინცად რომ არ გადაქცეულიყო, ან ბელი არა მამაცი, არამედ ერთი ჩვეულებრივი ქალი ყოფილიყო, რომელიც იძულებული იყო უცნაური დაავადების მქონე მამაკაცს გაჰყოლოდა ცოლად...

თუ ამ ელემენტებს მზეთუნახავისა და ურჩხულის დისნეის ვერსიას დაამატებთ, მაშინ ამბავი რეალურ მოვლენებთან უფრო ახლოს იქნება.

„ურჩხულის“ რეალური სახელი პედრო გონსალესი იყო და მე-16 საუკუნის ევროპაში ცხოვრობდა. მისი უცნაური გარეგნობა კი არა წყევლის, არამედ იშვიათი გენეტიკური დაავადების დამსახურება გახლდათ.

მდგომარეობა, რომელიც ცნობილია როგორც ჰიპერტრიქოზი, გვხვდება როგორც მამაკაცებში, ასევე ქალებში, რამაც შეიძლება გამოიწვიოს თმის ჭარბი ზრდა სხეულის ნებისმიერ ნაწილზე.

დღეს ჰიპერტრიქოზის რამდენიმე შემთხვევაა - მაგრამ რაც არ უნდა ცუდად ჟღერდეს, მე-16 საუკუნის ევროპაში გაცილებით რთული იყო მსგავსი ადამიანის ნორმალურ საზოგადოებაში მიღება. იმ დროს, როცა ხალხს ჯერ კიდევ მაქციების სჯეროდა, თმით დაფარული ადამიანი მათზე უფრო ცხოველის შთაბეჭდილებას ახდენდა.

პედრო გონსალესი სავარაუდოდ, კუნძულ ტენერიფეზე, დაახლოებით 1537 წელს დაიბადა. განსხვავებული გარეგნობის ბავშვი მშობლებმა მალე მიატოვეს, როს შემდეგაც ბიჭი ბერებმა წაიყვანეს და მონასტერში ზრდიდნენ. ნებისმიერ შემთხვევაში, პედროს ცხოვრებაში პირველი მნიშვნელოვანი ცვლილება 1547 წელს მოხდა. მიუხედავად იმისა, რომ შემთხვევის დეტალები უცნობია, ერთი ვერსიის თანახმად, ის შემთხვევით ფრანგმა დიდგვაროვნებმა დაინახეს და გადაწყვიტეს, რომ ბიჭი საფრანგეთის ახალი მეფისთვის შესანიშნავი საჩუქარი იქნებოდა. ასეა თუ ისე, დაახლოებით ათი წლის ასაკში, პედრო მალე საფრანგეთში გაემგზავრა, სადაც ცხოვრების ოცდაათი წელი გაატარა.

პედროს გამოჩენამ საფრანგეთის კარზე დიდი აჟიოტაჟი გამოიწვია. იმ დროს, ევროპის მონარქებს არაორდინალური გარეგნობის ადამიანები სამეფო კარის გასართობ შოუებში გამოჰყავდათ. საბედნიეროდ, პედრომ ჰენრი II - ის ყურადღება მიიპყრო, რომელსაც აინტერესებდა თუ რა შეიძლებოდა გამხდარიყო ბიჭის დაავადების მიზეზი. მეფეს ბავშვის მიმართ განსაკუთრებული კეთილი დამოკიდებულება ჰქონდა და თვლიდა, რომ პედროს განათლება აუცილებლად უნდა მიეღო.

მეფეზე შთაბეჭდილება მოახდინა ის ფაქტ, რომ ბიჭი კარგად სწავლობდა და განათლებით არისტოკრატული ოჯახის ბავშვებსაც არ ჩამოუვარდებოდა. შედეგად, მან საფრანგეთის მეორე ყველაზე პრესტიჟულ უნივერსიტეტში, პუატიეში სამართლის შესასწავლად სტიპენდია მოიპოვა. იმ დოკუმენტებზე დაყრდნობით, რომლებიც აღწერს მის განათლებას, ირკვევა, რომ პედრო არისტოკრატად ითვლებოდა.

1559 წელს ჰენრი II -ის სიკვდილის შემდეგ, პედრო მეფის მეფის ქვრივის, ეკატერინე მედიჩის ციხესიმაგრეში გადაიყვანეს, რომელიც მისი ახალი მფარველი გახდა. სწორედ ეკატერინე დე მედიჩიმ მოაწყო ქორწინება პედროსა და ტექსტილის ვაჭრის ქალიშვილს, ეკატერინე დე რაფელინის შორის.

საინტერესოა ის, თუ როგორ შეხვდნენ ისინი პირველად ერთმანეთს. ისტორიული წყაროები ირწმუნება, რომ ეკატერინამ პედროს მდგომარეობა მხოლოდ ქორწინების შემდეგ აღმოაჩინა.

საბოლოოდ, წყვილს შვიდი შვილი შეეძინა, რომელთაგან ოთხმა მემკვიდრეობით ჰიპერტრიქოზი მიიღო. მამისგან განსხვავებით, შვილებს კარგი ბავშვობა ჰქონდათ. ბოლოს და ბოლოს, მეფე ჰენრის გარდაცვალების შემდეგაც პედრო განაგრძობდა ინტეგრაციას პარიზის არისტოკრატულ წრეებში. 1582 წელს იგი სორბონას უნივერსიტეტში სამართლის პროფესორი გახდა. მისი და კეტრინის ქორწინება კი საკმაოდ ხანგრძლივი აღმოჩნდა. პედრო 40 წლიანი ქორწინების შემდეგ, 80 წლის ასაკში გარდაიცვალა.