ფედერიკო ფელინის 7 ფილმი, რომლებიც ერთხელ მაინც უნდა ნახოთ - Marao

რეჟისორი ყველაზე მეტი ოსკარით - ფედერიკო ფელინის გენიოსობას მის მიერ მოპოვებული ჯილდოების რაოდენობაც უსვამს ხაზს. თუმცა, ვერცერთი მათგანი ვერ გადაწონის იმ ნამუშევრების სიდიადეს, რომლებიც იტალიელმა რეჟისორმა მსოფლიო კინოკლასიკად აქცია.

გზა (1954)

ფელინის პირველი საყოველთაოდ აღიარებული შედევრი და პირველი საერთაშორისო წარმატება: მოიპოვა ოსკარი საუკეთესო უცხოენოვანი ფილმისთვის. მოხეტიალე მხატვრების ისტორია იქცევა ალეგორიად მყიფე სილამაზის, უხეში სიძლიერისა და შემოქმედებითი ენერგიის შესახებ, რომელიც სხვებს სიგიჟეს ჰგავს. სწორედ ამ სურათმა გამოეყო ფელინი იტალიურ ნეორეალიზმს და აჩვენა, რომ რეჟისორს კინოში თავისი გზა აქვს.

კაბირიას ღამეები (1957)

ფელინის კიდევ ერთი ოსკაროსანი ფილმი, რომელიც „გზის“ ერთგვარ გაგრძელებად იქცა. ფილმის მოქმედება მარადიული ქალაქის გარეუბანში ვითარდება; მისი გმირები უსახლკაროები, მათხოვრები, მძარცველები და მეძავები არიან. ერთ-ერთი მათგანი - მთავარი გმირი - ოსტატურად განასახიერა ჯულიეტა მაზინამ.

ტკბილი ცხოვრება (1959)

კომერციულად ფელინის ყველაზე წარმატებული ფილმი, ყველაზე ტიტულიანი და ყველაზე სკანდალური. მას შემდეგ, რაც ვატიკანმა მორწმუნე კათოლიკეებს მოუწოდა ბოიკოტი გამოეცხადებინათ ამ "უღმერთო" ფილმისთვის, მთავრობამ მისი ეკრანებზე გამოშვება აკრძალა.

რვანახევარი (1963)

ალბათ ყველაზე მნიშვნელოვანი ფილმი ფელინის კარიერაში, რომელმაც მას მრავალი ჯილდო მოუტანა, მათ შორის ორი ოსკარი. იდეების კრიზისის გამო, 42 წლის ფედერიკომ გადაწყვიტა გადაეღო ფილმი საკუთარ თავზე – რეჟისორზე, რომელიც ცდილობს ფილმის გადაღებას, მაგრამ შემოქმედებითი ჩიხიდან ვერ გამოდის. მთავარი გმირი, რეჟისორი გვიდო ანსელმი (მარჩელო მასტროიანი) გადაღებამდე მიემგზავრება კურორტზე სცენარზე სამუშაოდ. მის წინაშე ილუზიასა და რეალობას შორის ზღვარი იშლება.

ჯულიეტა და სულები (1965)

ამ ფილმს, როგორც წესი, ფელინის წარუმატებელ ნამუშევრად მოიხსენებენ. "რვანახევრის" ტრიუმფის შემდეგ, სადაც რეჟისორმა მაყურებელი საკუთარი არაცნობიერის სიღრმეში ჩააგდო, ფელინიმ გადაწყვიტა ამ კინოექსპერიმენტის ქალური ვერსიის გაკეთება. მთავარ როლში კი საკუთარი ცოლი ჯულიეტა მაზინა ათამაშა.

ამარკორდი (1973)

ოსკარის კიდევ ერთ მფლობელს და ოქროს გლობუსის ნომინანტს, ამარკორდს თამამად უწოდებენ 70-იან წლებში გადაღებულ ფელინის მთავარ სურათს. ფელინი მოგვითხრობს ახალგაზრდობის, მისი ოჯახის, მშობლიური ქალაქ რიმინისა და მასში მცხოვრები უცნაური პერსონაჟების - გიგანტის თამბაქოს, მაცდური გრადისკას, გიჟური ბიძა თეოს და გიმნაზიის სასტიკი დირექტორის, მეტსახელად ზევსის ისტორიას.

და გემი მიცურავს (1983)

ფელინის კარიერის ერთ-ერთი გვიანი შედევრი და მისი პირველი ფილმი ესქატოლოგიური მოტივებით. სამყაროს მოახლოებული აღსასრულის ატმოსფერო პირველივე კადრებიდან იგრძნობა: გიგანტური ხომალდი, რომელიც ტიტანიკს მოგაგონებთ, უცნაური მგზავრები, და ნისლი, როგორც მეტაფორა გაურკვევლობისა და შემაშფოთებელი მოლოდინისა.