„მარინას რომ შევხვდი, მივხვდი, რომ ჩემი ადამიანი ვიპოვე“ - გიგი დედალამაზიშვილმა გადაცემაში მეუღლესთან ურთიერთობაზე ისაუბრა - Marao

მუსიკოსს, ჯგუფ „მგზავრების“ სოლისტს, გიგი დედალამაზიშვილს, საზოგადოება უკვე წლებია, კარგად იცნობს. გიგიმ მოკლე დროში შეძლო საზოგადოებისთვის თავის შეყვარება და მისი გულშემატკივრების რიცხვი ყოველდღე უფრო და უფრო იზრდება.

გარდა გიგი დედალამაზიშვილის კარიერული წარმატებისა, საზოგადოების განსაკუთრებულ ყურადღებას მისი პირადი ცხოვრებაც იმსახურებს. მომღერლის

მეუღლე უკრაინელი ფოტოგრაფი მარინა კარპია.

ამჯერად „მგზავრების” სოლისტი მეუღლესთან ერთად გადაცემას „მხოლოდ ლელასთან” ესტუმრა, სადაც თავიანთი სიყვარულის ისტორია გაიხსენეს.

„მარინას რომ შევხვდი, რაღაცნაირად მივხვდი, რომ ჩემი ადამიანი ვიპოვე და ერთმანეთისთვის ვიყავით დაბადებული. ბავშვი იყო და დიდს ჰგავდა. მივხვდი, რომ ვეძებდი ისეთ ქალს, როგორიც მარინაა. ძალიან მიხარია, რომ ერთმანეთი ვიპოვეთ”, – ამბობს გიგი დედალამაზიშვილი.