მარადიული ახალგაზრდობა - 6 ჩვევა, რომელიც მეტად ხანდაზმულს გვაჩენს - Marao

ახალგაზრდობის დაბრუნება შეუძლებელია, მაგრამ შესაძლებელია დიდხანს გაგრძელდეს. ამისათვის ღირს უარი თქვათ ყოველდღიურ ჩვევებზე.

მზისგან დამცავი საშუალებების უგულებელყოფა

უმარტივესი რამ, რისი გაკეთებაც შეგიძლიათ თქვენი კანის ახალგაზრდობისა და სიჯანსაღის შესანარჩუნებლად არის მზისგან დამცავი კრემის რეგულარული გამოყენება. მაშინაც კი, თუ სანაპიროზე არ ხართ. მაშინაც კი, თუ ზაფხულს ქალაქში ატარებთ და დღეში მხოლოდ ერთი საათი ხართ გარეთ. პრობლემა ის არის, რომ ულტრაიისფერი სხივების ძალიან მცირე რაოდენობაც კი, რომელსაც ყოველდღიურად „ვიჭერთ“, გროვდება და აისახება ჩვენს სახეზე.

ნაკლები ძილი

ძილის ნაკლებობა დაავადებაა (რადგან იმუნიტეტი დაქვეითებულია), ჭარბი წონა (მეტაბოლიზმის დარღვევის გამო), კოგნიტური დარღვევები და დამჭკნარი კანი. საქმე ისაა, რომ ღამის დასვენების დროს აღდგება მთელი სხეული, კანის ჩათვლით. ან არ აღდგება, თუ არ გძინავთ სათანადოდ. გსურთ ნაკლები ნაოჭები და უფრო მკვრივი კანი? იძინეთ საკმარისად.

ძალიან ცოტა ხილისა და ბოსტნეულის მიღება

თქვენ მარტო არ ხართ ამაში: სხვადასხვა წყაროების მიხედვით, ზრდასრულთა 70%-დან 80%-მდე არ იღებს საკმარის ბოსტნეულსა და ხილს. თქვენი დიეტის დარეგულირებით და საკმარისი ბოსტნეულის, კენკრის, ხილის მიღებით, შეგიძლიათ თავიდან აიცილოთ ადრეული ან სწრაფი დაბერება - ანტიოქსიდანტების წყალობით, რომლებიც ხელს უწყობენ კანის ჯანსაღი უჯრედების შენარჩუნებას.

ბევრი შაქარი

ტკბილეული და სწრაფი ნახშირწყლები საფრთხეს უქმნის კანის სერიოზულ პრობლემებს. მაგალითად, სისხლში შაქრის დონის მატება იწვევს ანთებას და აკნეს, ასევე, კოლაგენის დაზიანებას, რომელიც ინარჩუნებს კანის სიგლუვესა და ელასტიურობას.

მოწევა

მოწევა აზიანებს სხეულის თითქმის ყველა სისტემას, მათ შორის უარყოფით გავლენას ახდენს კანის მდგომარეობაზე. კვლევამ, რომელშიც მონაწილეობდა ტყუპების 79 წყვილი დაადასტურა, რომ მწეველ ადამიანებს აქვთ მეტი სახის ნაოჭი. საშუალოდ, კვლევის მწეველი მონაწილეები 5 წლით უფროსებს ჰგავდნენ, ვიდრე მათი ტყუპები, რომლებიც ცხოვრების ჯანსაღ წესს მისდევდნენ.

ბევრი სმა

რა თქმა უნდა, წყალზე არაა საუბარი. პრობლემა ის არის, რომ ალკოჰოლი ამცირებს თქვენს კანში ანტიოქსიდანტების რაოდენობას და ხდის მას უფრო მგრძნობიარეს თავისუფალი რადიკალების ზემოქმედების მიმართ - იმავე რადიკალების მიმართ, რომლებიც „გვიჯილდოვებენ“ ნაოჭებით და ასაკის სხვა ხილული ნიშნებით. გარდა ამისა, ალკოჰოლი აშრობს ორგანიზმს, რაც ასევე ძალიან საზიანოა კანისთვის.