"შენ კარგი ბიჭი ხარ, მაგრამ ჩემი შვილი არა ხარ, შეხედე, ჩვენ არ ვგავართ ერთმანეთს" - მან მამის, ალენ დელონის გვარი ვერასდროს მიიღო, ინტერნატში იზრდებოდა და დედამაც უარყო: აარონ ბულონის ტრაგიკული ცხოვრება და სიკვდილი - Marao

60 წლის ფოტოგრაფის, არი ბულონის ცხედარი საკუთარ სახლში აღმოაჩინეს. მომხდარზე მიმდინარეობს გამოძიება. 

ბულონი, რომელიც ასევე ცნობილია, როგორც კრისტიან ბულონი, ამტკიცებდა, რომ ის ალენ  დელონისა და ნიკოს ვაჟი იყო, რომელმაც პოპულარობა, როგორც მომღერალმა, ამერიკულ როკ-ჯგუფ The Velvet Underground-თან ერთად მოიპოვა.

დელონი, რომელსაც ხანმოკლე რომანი ჰქონდა გერმანელ მომღერალთან სამოციან წლებში, არის მამობას უარყოფდა. აარონი და ალენ დელონი სულ რამდენჯერმე შეხვდნენ ერთმანეთს, დედის დაკრძალვაზე კი ახალგაზრდა არის დელონმა ასეთი სიტყვები უთხრა: "შენ კარგი ბიჭი ხარ, მაგრამ ჩემი შვილი არა ხარ, შეხედე, ჩვენ არ ვგავართ ერთმანეთს."

აარონ ბულობის შესახებ ბევრი არაფერია ცნობილი, მაგრამ გამოცემები წერენ, რომ ის დედამ, ნიკომაც მიატოვა და ბებია ზრდიდა, რომელმაც პანსიონში მიაბარა. მოგვიანებით კი მან ეს პანსიონი დატოვა და დედასთან გაემგზავრა: "ჩვენ ერთად ვიღებდით ნარკოტიკს, რადგან ეს ერთადერთი გზა იყო, მასთან ვყოფილიყავი" - იხსენებდა აარონი დედასთან ურთიერთობას. 

აარონ ბულონის სიკვდილს სოციალურ ქსელში გამოეხმაურა ალენ დელონის უფროსი ვაჟი ენტონი დელონი:

"მშვიდად განისვენე, არი. ტრაგიკული ბედი. სევდა. ამაღამ მის ორ შვილზე ვფიქრობ..."  - დაწერა მან სოციალურ ქსელში.