თიურქან შორაი - თურქეთის ლეგენდა და სიამაყე - Marao

თიურქან შორაი-მას ეძახიან ლეგენდას, მარგალიტს, დედოფალს, სულთანაის, აგრეთვე - თურქეთის სოფი ლორენს და "აღმოსავლეთის ელიზაბეტ ტეილორს". იგი დაიბადა 1945 წლის 28 ივნისს სტამბოლში, ჩერქეზული წარმოშობის ჩვეულებრივი მოსამსახურის ოჯახში. დედა დიასახლისი იყო, ხოლო მამა - რიგითი მოხელე. მისი უმცროსი და მელიჰაც მსახიობია, თუმცა თავისი დის პოპულარობას დიდი მასშტაბით ჩამორჩება. უმცროსი დის დაბადების შემდეგ მალე მშობლები გაშორდნენ. თიურქანმა დაამთავრა გოგონათა უმაღლესი სკოლა. იგი გათხოვილი იყო მსახიობ სიჰან უნელზე, რომელსაც შემდეგ გაშორდა. ჰყავს ერთი ვაჟი.

მისი სამსახიობო კარიერა სრულიად შემთხვევით დაიწყო, როცა ერთ-ერთი სცენარისტი 15 წლის გოგონას ქუჩაში მიუახლოვდა და კინოში გადაღება შესთავაზა. ასე შედგა მისი დებიუტი ფილმში "სიყვარულის ქარი"(1960). როგორც მაყურებლის მხრიდან დიდი მოწონება დაიმსახურა, ასევე თბილად შეხვდა კრიტიკაც. ამის შემდეგ იწყება თურქი მზეთუნახავის წარმატებული კარიერა.მან მიიღო 222 ფილმში მონაწილეობა, ამ მაჩვენებლით ქალ მსახიობებს შორის იგი მსოფლიოში პირველ ადგილზეა. 1964 წელს ანტალიის "ოქროს ფორთოხლის" ფესტივალზე „ყველაზე წარმატებული მსახიობის“ ჯილდო მიიღო.

წაიკითხეთ სრულად