„სრულიად შემთხვევით შევესწარი ამ ქორწილს, რა ვიცოდი, ვის ბედნიერებას ვიზიარებდი... სილამაზის და სიყვარულის ჯვრისწერა ჩაატარა მამა იოანემ“ - რას წერს ქართველი ქალი თაკო ნაცვლიშვილისა და ოთო ხუროძის ქორწილის შესახებ - Marao

27 მაისს სოციალური ქსელი წარმატებული ქართველი მოდელის, თაკო ნაცვლიშვილისა და მისი რჩეულის, ოთო ხუროძის ფოტოებით აჭრელდა. უმშვენიერესი წყვილის ბედნიერება უამრავმა ადამიანმა გაიზიარა და მათთვის კეთილი სურვილებიც არ დაიშურეს. "ფეისბუკის" ერთ-ერთი მომხმარებელი, რომელიც ჯვრისწერას შემთხვევით შეესწრო, ჩვენს გვერდზე წერს:

„გუშინ სრულიად შემთხვევით შევესწარი ამ ჯვრისწერას. რა ვიცოდი, ვის ბედნიერებას ვიზიარებდი, გულს კი რატომღაც ძალიან უხაროდა… თვალს ვერ ვაშორებდი. სანამ ნეფე-დედოფალი მოვიდოდა, მანამდე ასი კითხვა დავუსვი მაყრიონს - “ვინ ხართ, საიდან ხართ…” ერთმანეთზე ლამაზი ახალგაზრდები იყვნენ.

სილამაზის და სიყვარულის ჯვრისწერა ჩაატარა მამა იოანემ. სულ სიხარული და ბედნიერება ყოფილიყოს მათთან” – წერს ნაია მინდიაშვილი.

თაკომ და ოთომ ქორწილი იტალიაში, ქალაქ რომში გადაიხადეს. ჯვრისწერა San Salvatore ai Monti-ში, ქართულ ეკლესიაში შედგა. წვეულება და ხელის მოწერა კი ლაციოში, Castello Orsini-Odescalchi-ში გაიმართა. ცერემონიას ოჯახის წევრები და მეგობრები ესწრებოდნენ. თაკოს ამერიკელი დიზაინერის, Vera Wang-ის უმშვენიერესი კაბა ეცვა.