უძილობის აშკარა მიზეზი: როგორ მოქმედებს თქვენი კანის მდგომარეობა ხარისხიან ძილზე - Marao

ცნობილია, რომ ცუდი ძილი ან მისი ნაკლებობა უარყოფითად მოქმედებს კანის მდგომარეობაზე. თუმცა ბოლოდროინდელმა კვლევებმა აჩვენა, რომ გამონაყარმა შეიძლება ხელი შეუშალოს ხარისხიან ძილს.

ბოლო წლებში სამი კვლევა ჩატარდა - მათში, ძირითადად, სხვადასხვა ასაკის ქალები მონაწილეობდნენ. ერთ-ერთმა მათგანმა აჩვენა, რომ აკნეს მქონე ადამიანების ნახევარზე მეტს (54%) აღენიშნება ძილის ნაკლებობა. 

დადასტურებულია, რომ არაჯანსაღმა ძილმა შეიძლება გაზარდოს სტრესი, კორტიზოლის დონე და გავლენა მოახდინოს სხვა ჰორმონებზე - ამით კი ხელი შეუწყოს ანთებას. აქედან ექიმები ასკვნიან, რომ ძილი სასიცოცხლოდ მნიშვნელოვანია კანის საერთო ჯანმრთელობისთვის.

ერთი სიტყვით, მეცნიერები მიდიან დასკვნამდე, რომ ეს არის ერთგვარი ციკლური პროცესი, სადაც ცუდი ძილი იწვევს აკნეს, ხოლო გამონაყარის არსებობა კიდევ უფრო ამძაფრებს ძილთან დაკავშირებულ მდგომარეობას.