ფატალური დამთხვევები გრეის კელისა და პრინცესა დიანას ბედში, რამაც ტრაგიკული დასასრული გამოიწვია - Marao

გრეის კელი 1955 წლის აპრილში კანის კინოფესტივალზე მონაკოს პრინც რენიე III-ს შეხვდა და ერთი წლის შემდეგ მასზე იქორწინა.

დიანა ჩარლზს ამ მოვლენებიდან 21 წლის შემდეგ, სპენსერის ოჯახის სახლში, 1977 წლის ნოემბერში შეხვდა. მაშინ ჩარლზი დიანას დას, სარას ხვდებოდა.

ღალატი

ორივე პრინცესას მოუწია ქმრის ღალატთან გამკლავება.

უელსის პრინცის უწყვეტი რომანი მის დიდი ხნის შეყვარებულ კამილა პარკერ ბოულსთან, თავად დიანამ დაადასტურა ინტერვიუში.

არც გრეის კელისთვის იყო ადვილი. ბოლოს და ბოლოს, ბიოგრაფი ვენდი ლის თქმით, პრინცმა გრეისზე დაქორწინებიდან ერთი თვის განმავლობაში სამი საყვარელი გაიჩინა.

ქველმოქმედება

თითქოს ამ სიცარიელის შესავსებად, გრეისმაც და დიანამაც საქველმოქმედო საქმეს მიუძღვნეს თავი. პირველი გახდა მონაკოს წითელი ჯვრისა და ცისარტყელას ბავშვთა კოალიციის მფარველი, ხოლო მეორე ცნობილი იყო ბრიტანეთის წითელი ჯვრის კამპანიისა და შიდსით დაავადებული ადამიანების მხარდაჭერით.

ფატალური ავარიები

ორივე დაიღუპა ავტოკატასტროფაში - და ორივე უბედური შემთხვევა მრავალი ჭორებითა და საიდუმლოებით იყო მოცული.

1982 წლის 13 სექტემბერს კელი ავარიაში მოყვა. ექიმების თქმით, ავარიის მიზეზი შეიძლება ყოფილიყო უეცარი ინსულტი, რომელიც პრინცესას მანქანის მართვის დროს დაემართა. მანქანაში მისი ქალიშვილი სტეფანიც იმყოფებოდა, რომელმაც ხერხემლის მიკრომოტეხილობა მიიღო, მაგრამ სრულად გამოჯანმრთელდა.თუმცა ინციდენტს არაერთი უცნაურობაც მოჰყვა. მაგალითად, სასახლემ თავდაპირველად გაავრცელა განცხადება, რომელშიც ნათქვამია, რომ პრინცესა ცოცხალი იყო, ხოლო ერთმა თვითმხილველმა თქვა, რომ მანქანას პრინცესა სტეფანი მართავდა. ავარიის ზუსტი გარემოებების შესახებ ვარაუდები დღემდე გრძელდება.1997 წლის 31 აგვისტოს დილით, მთელი მსოფლიო შოკირებული იყო საშინელი ამბით: პრინცესა დიანა პარიზში შეყვარებულ დოდი ალ-ფაედთან ერთად ავარიაში მოყვა,შემთხვევის შედეგად ორივე მათგანი გარდაიცვალა.